Ushtria ruse vazhdon sulmet mbi qytetet ukrainase, godet fabrikën e raketave – nga shpërthimi u plagosën 30 civilë

Një shpërthim i madh tronditi qytetin ukrainas të Khmelnytskyi, pasi Rusia dërgoi 21 dronë në një fabrikë raketash, duke shkaktuar një top të madh zjarri që plagosi 30 njerëz.

Siç raporton Daily Mail, Vladimir Putin duket se synon depot e municioneve në perëndim të Ukrainës, transmeton Telegrafi.

Sipas të dhënave të Administratës Shtetërore në rajonin Khmelnytskyi, vetëm dy persona u shtruan në spital nga pothuajse 30 të plagosur.

Lexo po ashtu Rekord humbjesh që nga fillimi i luftës, ukrainasit rrëzojnë një bombardues, aeroplan luftarak dhe dy helikopterë rusë

Rusët thuhet se kanë sulmuar Ukrainën gjatë natës me dronët Shahed. Paralajmërimi për sulm ajror u dëgjua në orën 3:05 të mëngjesit, dhe brenda një ore banorët dëgjuan shpërthime të forta.

Katër dronë goditën një objekt ushtarak dhe shkaktuan një shpërthim që dëmtoi ndërtesat e banimit aty pranë, si dhe ndërtesa të tjera.

Gjithashtu është bërë e ditur se 17 dronë të tjerë rus u rrëzuan nga mbrojtja ajrore e Ukrainës.

Lexo po ashtu Rusët bombarduan qytetin e përfaqësueses së Ukrainës në Eurovision, dhjetë minuta para performancës në finale

Administrata ushtarake e rajonit Khmelnytskyi njoftoi:

“Sot, armiku përsëri sulmoi Khmelnytskyi me një dron, duke goditur një nga objektet kritike të infrastrukturës në rajon, i cili ndodhet jashtë vendbanimit. Megjithatë, deri më tani kemi 21 persona të lënduar. Dy u shtruan në spital, të tjerët morën ndihmë mjekësore dhe u transferuan në mjekim ambulator”. /Telegrafi/