Ukraina ka rrëzuar dhjetë dronë të prodhuar nga Irani

Ukraina ka rrëzuar 10 dronë të prodhuar nga Irani këtë mëngjes, tha kryebashkiaku i Kievit.

Vitali Klitschko shpjegoi se sistemet e mbrojtjes ajrore goditën dronët Shahed në orët e para.

“Në rajonin e Kievit dhe mbi kryeqytetin, forcat e mbrojtjes ajrore rrëzuan gjithsej 10 drone Shahed”, shkroi ai në aplikacionin e mesazheve Telegram.

Më parë, ai raportoi shpërthime në lagjen qendrore të qytetit Shevchenkivskyi dhe tha se shërbimet e urgjencës ishin dërguar në zonë.

"For Ryazan" was writter on one of Russia's Shahed drones shot down over Kyiv pic.twitter.com/yILaxKmd9d

— Giorgi Revishvili (@revishvilig) December 14, 2022

Tani, guvernatori i Zhytomyr, i cili është pranë Kievit, ka paralajmëruar se mund të ndodhë një valë e dytë sulmesh me dron.

Në një mesazh të postuar në Telegram, Vitaliy Bunechko paralajmëroi banorët se “rreziku ajror vazhdon. Një valë e dytë sulmesh me dron është e mundur. Qëndroni në strehimore”.

Në njërën nga videot e dronëve të rrëzuar, e cila është postuar në kanalet e Telegramit të Ukrainës, shihet mesazhi “Për Ryazan”. Bëhet fjalë për bazën ushtarake ruse që Ukraina granatoi javën e kaluar.

Ndryshe, Rusia ka nisur pushtimin e pajustifikueshëm të shtetit ukrainas më 24 shkurt duke shkaktuar viktima dhe dëme materiale. /Telegrafi/