Në një takim të mbajtur të mërkurën në mes të Ministrisë së Punëve të Brendshme dhe kompanisë austriake të angazhuar për prodhimin e pasaportave biometrikë, OSED, është diskutuar për “paqartësitë e kontratës”. Sipas zyrtarit për komunikim të kësaj ministrie, “nëse s’ka marrëveshje, do të ketë tender të ri për pasaporta”. OSED nuk komenton këto bisedime.
Merret vesh se Ministria e Punëve të Brendshme dhe përfaqësues të kompanisë që prodhon pasaportat biometrikë – OESD, janë takuar për herë të dytë për të diskutuar rreth kontratës, të mërkurën.
Takimi është konfirmuar nga Behar Haziraj, ushtrues detyre i Drejtorit për Komunikim me Media në MPB. “Janë diskutuar paqartësitë e kontratës”, thotë Haziraj, për Gazetën Jeta në Kosovë.
OESD është shpallur fituese në muajin gusht të 2011-ës në tenderin e MPB-së për prodhimin e pasaportave biometrikë.
Në takim janë diskutuar disa çështje, ndër të cilat edhe pagesa e TVSH-së për materialin (pasaportat) e sjellur nga OSED përmes doganave të vendit. “Tash problem është edhe TVSH-ja”, thotë Haziraj.
Sipas tij, “Ministria e Punëve të Brendshme nuk shlyen pagesat për OESD pa pasur faturat që TVSH-ja është paguar”.
Zyrtarë të kompanisë austriake nuk pranojnë të japin sqarime në lidhje me këtë çështje.
Dieter Riedlinger, zyrtar i kompanisë austriake OESD, i ka thënë Gazetës Jeta në Kosovë, se“Kompania jonë nuk komenton procedurat ose bisedimet që janë në vazhdim”.
Negociatat e së mërkurës ndërmjet zyrtarëve të MPB-së dhe OESD-së janë shtyrë për ditën e enjte.
Sipas Hazirajt, austriakëve u janë kërkuar që të sjellin “kërkesat e tyre" dhe pastaj të shikohet rasti.
Ky takim pritet të jetë vendimtar. “Nëse s’ka marrëveshje, do të ketë tender të ri”, thotë Haziraj.
Gjatë takimit është vendosur që çështja e 1.4 milonëshit – e dyshuar të jetë dhënë në formë mitoje – t’i lihet gjykatës, sipas Hazirajt.
Skandali me pasaporta në MPB ka filluar vitin e kaluar kur kompanisë austriake nuk i shkuan në llogari 1.4 milionë euro, për të cilat një nga nënkontraktueset e OESD-së, Natali Velija, shtetasja gjermane, u arrestua në Prishtinë.
Velija në prokurori ka deklaruar se 1.4 milionë euro është dashur t’ia japë ryshfet zyrtarëve të kësaj ministrie.
Ndërkohë, komisioni parlamentar për Punë të Brendshme dhe Siguri, në një takim mbajtur të martën, ka shqyrtuar mundësinë për thirrjen e ministrit të Punëve të Brendshme, Bajram Rexhepi, në një dëgjim publik, lidhur me “skandalet e njëpasnjëshme” në këtë ministri.
Anëtari i këtij komisioni, Anton Quni, i cili vjen nga radhët e Lidhjes Demokratike të Kosovës, kërkoi nga anëtarët e tjerë të komisionit trajtim në nivel më të lartë, siç tha ai “të dukurive që po ndodhin në MBP”.
“Ne jemi dëshmitarë të skandaleve të njëpasnjëshme që po ngrihen në Ministrinë e Punëve të Brendshme”, tha deputeti Quni.
Ai kërkoi që ministri Rexhepi të thirret në interpelancë, por kryetari i komisionit Ahmet Isufi tha se komisioni nuk ka një kompetencë të tillë.
“Me Rregullore të punës, interpelancën mund ta thërrasin së paku gjashtë deputetë, por jo Komisionet parlamentar. Ne, si komision mund ta thërrasim vetëm për raportim apo dëgjim publik”, ka sqaruar Isufi.
Deputeti i lëvizjes Vetëvendosje, Rexhep Selimi, raportimet e deritashme të ministrit Rexhepi i ka cilësuar si “të konsumuara dhe që nuk kanë prodhuar asnjë efekt”, duke mos mbështetur thirrjen e tij para komisionit. /Telegrafi/
Lufta Prigozhin - Putin
Më shumëNga Rubrika
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ish-Avokati i Popullit për rastin e dyshuar të ngacmimit seksual në UP: Nuk u trajtua si duhet nga aspekti ligjor
Votat për Kodin Civil: Haxhiu thotë se iu duhet edhe ca kohë – PDK pa vendim, LDK e konsideron punë të qeverisë
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjatë një operacioni policor në Prishtinë e Gjilan, gjenden dy bunkerë dhe armë zjarri
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Ekspertja e Këshillit të Evropës kritikon Komisionin parlamentar lidhur me Projektligjin për KPM-në
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre