Situata në Ukrainë: Kurti iu bën thirrje NATO-s dhe BE-së për vigjilencë dhe maturi në Ballkan

Kryeministri i vendit, Albin Kurti, ka reaguar pas situatës në Ukrainë.

Përmes një shkrimi në Twitter, kreu i qeverisë u ka bërë thirrje NATO-s dhe BE-së për vigjilencë dhe maturi në rajonin e Ballkanit Perëndimor.

“Pushtimi rus i Ukrainës është një thirrje zgjimi se rruga e autokracisë është lufta dhe shkatërrimi. Ne mbështesim plotësisht NATO-n dhe BE-në në dënimin e agresionit të Rusisë dhe bëjmë thirrje për vigjilencë dhe maturi në rajonin e Ballkanit Perëndimorë”.

“Sytë, veshët, mendimet dhe lutjet tona janë me njerëzit e Ukrainës”, shkroi Kurti.

Lexo po ashtu Gjithçka që ndodhi në katër ditët e para të agresionit rus në Ukrainë

Më herët, presidentja Vjosa Osmani, i siguroi qytetarët e vendit se institucionet e sigurisë, duke filluar nga Policia e Kosovës me të gjitha njësitë e saj, e deri te strukturat inteligjente dhe Ushtria e Kosovës – e cila, siç tha, ka mandat që t’i mbrojë qytetarët, sovranitetin dhe integritetin territorial të vendit, janë të përgatitur qe një kohë që të reagojnë në situata të ndonjë sulmi.

Sipas saj, tendencat për destabilizimin e rajonit tonë nuk kanë filluar sot, prandaj ka një kohë të gjatë që janë duke u bërë përgatitjet, planet operative dhe gjithçka tjetër që kërkohet nga institucionet tona të sigurisë, dhe ato e kanë përkrahjen e plotë të institucioneve politike./Telegrafi/

The Russian invasion of Ukraine is a wake up call that the path of autocracy is war and destruction. We fully support #NATO & #EU in condemning Russia’s aggression and call for vigilance and soberness in the WB6 region.
Our eyes, ears, thoughts and prayers are with people of ??.

— Albin Kurti (@albinkurti) February 24, 2022