Shqipëria vitin e kaluar nga turizmi përfitoi 1,2 miliardë euro

Nga turizmi Shqipëria vitin e kaluar realizoi të ardhura prej rreth 1,2 miliardë euro, njoftoi Banka Qendrore Shqiptare. Shqipëria vitin e kaluar ka shënuar bilanc pozitiv në sektorin turistik prej 140 milionë euro, për shkak se qytetarët shqiptarë për udhëtim jashtë vendit kanë harxhuar 1,05 miliardë euro ose 14 për qind më shumë krahasuar me vitin 2007.

Të ardhurat nga turizmi, sipas Bankës Qendrore, shënojnë rritje për 20 për qind krahasuar me vitin paraprak.

Rritja e të ardhurave të vitit të kaluar është rezultat i numrit dukshëm të rritur të turistëve të huaj për 20 për qind, si dhe e rritjes së vogël të shpenzimeve mesatare ditore.

Me këtë, siç vlerësojnë mediat shqiptare, turizmi po bëhet degë kryesore ekonomike në Shqipëri me të ardhura më të mëdha.

Sipas strategjisë për zhvillimin e turizmit, e cila ende është në fuqi, të ardhurat nga ky sektor deri në vitin 2012 parashihet të mbërrijnë deri 412 milionë dollarë. Por, katër vite para kësaj, janë realizuar shumë më shumë se këto parashikime.