‘Shpërthen’ Fjolla Morina, i vjen rëndë të pranojë akuzat e Adelina Ismailit për ‘prostitucionin’ në estradë (Foto)

Diva e estradës Adelina Ismaili ditë më parë ishte e ftuar në një intervistë për emisionin “NIN” në Klan Kosova, ku u prononcua për herë të parë për shtatzëninë e saj.

Me lot në sy gjatë intervistës, Adelina nuk la pa përmendur edhe mungesën e të ëmës, menaxheres së parë shqiptare, nga e cila po bëhet gati një vit që nuk gjendet më në mesin e tyre.

Diva ishte e gatshme që të përgjigjje para çdo pyetje të gazetarit Alaudin Hamiti, teksa shokoi të gjithë me deklaratën e saj rreth mendimit që ka për gjendjen aktuale në estradë.

“Është shndërruar në prostitucion dhe shpërlarje parash” deklaroi ajo në “NIN”, gjersa duket sekëtë frazë nuk kanë mundur ta ‘kapërdijnë’ disa prej këngëtareve tona.

Ka qenë Fjolla Morina ajo e cila ka publikuar në llogarinë personale në Instagram një fotografi, ku e revoltuar shkruan disa fjalë kundër Ismailit.

“Po harron që ti je ajo që ia ka nis vallen e prostitucionit, n.q.s mendon që muzika është kthy në prostitucion. Edhe moter qetësohu pak se je me fëmijë në bark. Po ta them si nënë që jam. Jo kaq inat se të bën dëm për shëndetin tënd e të fëmiut”,(sic.) shkruan Fjolla e revoltuar në statusin e saj.

Ndërkohë kundrejt kësaj deklaratë të cilën e sheh si të pavlerë, nuk ka reaguar fare Adelina Ismaili duke mbajtur qëndrimin e saj serioz. /Telegrafi/