Shefi i MI6 u bën thirrje të hapur rusëve që të spiunojnë për Britaninë e Madhe

Kreu i shërbimit të inteligjencës së jashtme britanike përdori një fjalim të rrallë në Çeki, ku u ka bërë thirrje rusëve të pakënaqur që të spiunojnë për Mbretërinë e Bashkuar.

Duke folur në Pragë, Richard Moore u bëri thirrje rusëve që t’u kundërvihen regjimit të Vladimir Putinit dhe u ofroi atyre mundësinë për të “ndarë sekretet me MI6″.

“Ka shumë rusë sot që janë të tmerruar nga pamja e forcave të tyre të armatosura që pluhurojnë qytetet e Ukrainës, duke dëbuar familje të pafajshme nga shtëpitë e tyre dhe rrëmbyer mijëra fëmijë. Ata po shikojnë me tmerr ndërsa ushtarët e tyre shkatërrojnë një vend të afërm”, shtoi ai, raporton cnn.

Moore lëshoi gjithashtu një paralajmërim për shtetet afrikane që janë të lidhura me ushtrinë mercenare ruse Wagner, duke thënë se nëse udhëheqësi i saj, Yevgeny Prigozhin mund të “tradhtojë” presidentin rus atëherë të njëjtën gjë do t’ia bëjë edhe atyre.

“E vërteta është se Rusia nuk ka interes për paqen apo stabilitetin dhe vendet afrikane”, tha britaniku, duke shtuar se Moska “kërkon shtete aktive komplekse dhe të dobëta, të cilat Kremlini i sheh si objektiva për t’u kontrolluar dhe për t’u shfrytëzuar në një imperializëm të ri rus”.

Kremlini u trondit kohët e fundit nga një kryengritje jetëshkurtër e udhëhequr nga shefi i Wagner, Prigozhin. Incidenti shënoi sfidën më të madhe për autoritetin e Putinit në 23 vjet. /Telegrafi/