SHBA: Deklarata e ministrit izraelit për hedhjen e bombës bërthamore në Gazë, është e papranueshme

Shtetet e Bashkuara e kanë cilësuar propozimin e ministrit izraelit rreth hedhjes së bombës bërthamore në Gazë, si të papranueshme dhe i kanë bërë thirrje të gjitha palëve të përfshira në konflikt që të shmangin “retorikën e urrejtjes”.

“Kryemininstri (Benjamin) Netanyahu dhe qeveria izraelite janë distancuar nga këto komente të ministrit izraelite që ne i cilësojmë si plotësisht të papranueshme”, tha zëdhënësi i Departamentit të Shtetit, Vedant Patel, transmeton Telegrafi.

“Është e rëndësishme që të gjitha palët në konflikt, të shmangin retorikën e urrejtjes që mund të përkeqësojë më shumë situatën”, shtoi ai.

Lexo po ashtu Publikohen pamjet e policit izraelit, ishte ndër të parët që u shfaq në festival pas masakrës së 7 tetorit – aty u vranë mbi 300 persona

E qeveria e Netanyahut të dielën suspendoi ministrin e Trashëgimisë, Amichaya Eliyahua, nga seancat e qeverisë deri te një vendim tjetër.

“Deklaratat e tij në themel nuk janë realitet”, tha Netanyahu në platformën X duke shtuar se “Izraeli dhe ushtria e këtij vendi  veprojnë në kuadër të standardeve më të larta ndërkombëtare për të shmangur dëmtimin e civilëve”.

Kujtojmë që ministri izraelit gjatë një interviste të dhënë, kishte deklaruar se një nga “opsionet është hedhja e bombës bërthamore në Gazë”. /Telegrafi/