Samsung bie në vetëm 10 për qind të tregut global të telefonave

Sipas një raporti të ri nga Strategy Analytics, pjesëmarrja e tregut të Samsung në nivel global ka rënë në vetëm 10 për qind për tremujorin e fundit të vitit 2014.

Kjo sa i përket njësive të telefonave të shitur, për të cilën Apple është rritur në 48.9 për qind gjatë periudhës së njëjtë kohore. Mirëpo, në aspektin e të hyrave, Samsung ka pasur 17.2 për qind të tregut.

Samsung është kaluar nga rivali Apple edhe sa i përket pjesëmarrjes vjetore në treg, pasi që prodhuesi korean i telefonave ka shitur 25.1 për qind të telefonave, ndërsa Apple ka arritur në 37.6 për qind.

Që prej tremujorit të katërt të vitit 2011, kjo është hera e parë kur shitjet globale të Samsung kanë në një nivel të tillë të ulët.
Në 2013, Samsung ka arritur të shesë pothuajse numër të njëjtë të telefonave sa Apple, brenda vitit, por pas lansimit të iPhone 6 dhe iPhone 6 Plus, hendeku midis tyre në treg është zgjeruar edhe një herë më shumë.

Në tregun kosovar, sipas burimeve të Telegrafi.com, lider i tregut të telefonave të mençur është Apple, e përcjell nga Samsung dhe LG. (Telegrafi)