Reperi Metro Boomin vjen me “Heroes Version”, thyen rekorde pak ditë pas publikimit të albumit

Metro Boomin ka nxjerrë versionin “Heroes” të albumit të tij të ri “Heroes&Villains” vetëm disa ditë pas publikimit të tij origjinal.

I publikuar në mesnatën e së hënës (5 dhjetor), versioni “Heroes” ka 30 këngë, i përbërë nga 15 këngët origjinale si dhe versionet instrumentale të secilës këngë.

Metro kishte ngacmuar më parë “dy anë” të albumit ndërsa zbuloi kopertinën e frymëzuar nga Pink Floyd për “Heroes&Villains” muajin e kaluar.

#HeroesandVillains HEROES VERSION JUST DROPPED RIGHT NOW??? pic.twitter.com/XmbvsJ29Et

— Metro Boomin (@MetroBoomin) December 5, 2022

Albumi është i mbushur me yje përfshirë bashkëpunimet me: Future, Travis Scott, ASAP Rocky, The Weeknd, 21 Savage, Young Thug, Gunna, Chris Brown si dhe me të ndjerin TakeOff.

Projekti madhështor ka thyer rekorde shikueshmërie në platformat muzikore menjëherë pas publikimit.

“Heroes&Villains” po ashtu ka kryesuar në Billboard 200, duke i dhënë Metros suksesin e radhës për të qenë në krye të tabelës pas debutimit në vitin 2018 me “Not All Heroes Wear Capes”.

Duke folur për “All Heroes Ëear Capes”, Metro zbuloi në një intervistë të fundit me Ebro Darden të Apple Music se “Heroes&Villains” është pjesë e një trilogjie që filloi me albumin e tij të parë – dhe po, ka një pjesë të tretë në plane.

“Ky është i dyti nga një trilogji”, tha ai. “Unë do të shoh se si do të rrjedhë kjo, sepse unë me të vërtetë dua të xhiroj shumë video për këtë, dhe kam kushtuar shumë kohë në këtë pjesë të punës. Kështu që unë me të vërtetë dua ta zgjas atë, dhe jo vetëm të publikoj të tretin”.

Secila nga këngët po shënon suksese të mëdha, gjersa “Creepin” me The Weeknd e 21 Savage është renditur në vendin e shtatë ‘trending’ në botë . /Telegrafi/