Real Madrid – Barcelona: Statistika, analizë, formacionet e mundshme dhe parashikim për El Clasicon

Real Madridi dhe Barcelona do të luajnë mes vete në ndeshjen derbi të vlefshme për javën e nëntë në La Liga.

Dy klubet më të mëdha nga Spanja do të luajnë El Casicon e parë të sezonit në Santiago Bernabeu nga ora 16:15.

Vendi: Santiago Bernabeu

Koha: 16:15

Lajme rreth ekipeve

Real Madrid

Thibaut Courtois pritet të mungojë për shkak të një dëmtimi muskulor me Dani Ceballos gjithashtu jashtë për shkak të një dëmtimi në kofshë.

Antonio Rudiger ka një lëndim në kokë, por do të jetë pjesë e skuadrës së Carlo Ancelottit

Nuk ka asnjë pezullim për Real Madridin.

Barcelona

Memphis Depay ka një dëmtim muskulor ndërsa Ronald Araujo është jashtë gjithashtu, me këtë të fundit që po përballet me një periudhë të gjatë jashtë fushës pasi iu nënshtrua një operacioni. Hector Bellerin është ende jashtë për shkak të një dëmtimi në këmbë, ndërsa Jules Kounde është rikthyer tashmë.

Andreas Christensen gjithashtu pritet të mungojë sërish për shkak të një dëmtimi në kyçin e këmbës. Nuk ka asnjë pezullim për Barcelonën.

Fakte

Barcelona ka fituar shtatë ndeshjet e fundit në La Liga.

Barcelona ka mbajtur portën e pastër në gjashtë ndeshjet e fundit në La Liga.

Real Madridi ka fituar shtatë nga tetë ndeshjet e fundit në La Liga.

Barcelona ka mbajtur portën e paprekur në pesë nga shtatë ndeshjet e fundit jashtë fushe kundër Real Madridit në të gjitha garat.

Barcelona ka fituar si në pjesën e parë ashtu edhe në kohën e plotë në pesë nga gjashtë ndeshjet e fundit në La Liga.

Analizë

Eder Militao shënoi golin e vetëm në fitoren 1-0 të Realit ndaj Getafes. Kjo i mban ata të barabartë në pikë me Barcelonën, por mbrapa në diferencën e golave ​​për momentin. Ancelotti luajti me një skuadër paksa të ndërruar kundër Shakhtarit në Ligën e Kampionëve në mesjavë, ku ata barazuan 1-1.

Një gol në minutën e 17-të nga Pedri ishte i mjaftueshëm për t’i siguruar Barcelonës fitoren ndaj Celta Vigos. Ata ende kanë rekordin më të mirë të mbrojtjes në ligë, duke mbajtur shtatë herë portën të pastër në tetë ndeshjet e tyre dhe duke pranuar vetëm një herë deri më tani këtë sezon. Lëndimet në mbrojtje e goditen ekipin e Xavit këtë javë, ku barazuan 3-3 në shtëpi ndaj Interit.

Barcelona fitoi 4-0 në Santiago Bernabeu në takimin e tyre të fundit konkurrues mes dy klubeve. Ferran Torres dhe Ronald Araujo shënuan nga një gol dhe Pierre-Emerick Aubameyang shtoi dy tjerë.

Formacionet e mundshme

Real Madrid: Lunin; Carvajal, Militao, Alaba, Mendy; Tchouameni, Kroos, Modric; Valverde, Benzema, Vinicius Jr. 

Barcelona: Ter Stegen; Kounde, Pique, Eric Garcia, Marcos Alonso; Busquets, Gavi, Pedri; Raphinha, Dembele, Lewandowski.

Parashikimi: Real Madrid 2-1 Barcelona

/Telegrafi/