Qeveritë e bizneset ndeshen me krizën

Një panel i Kongresit amerikan pritet të raportojë se qeveria ka shpenzuar vitin e kaluar disa miliardë dollarë më shumë se duhej për blerjen e kapitaleve dhe aksioneve të institucioneve financiare në vështirësi.

SHBA

Raporti i panelit të Kongresit të Shteteve të Bashkuara pritet të thotë se bëhet fjalë për një mbipagesë prej 78 miliardë dollarësh.

Thesari amerikan këmbëngul se mobilizimi i 700 miliardë dollarëve parandaloi shkatërrimin e sektorit financiar.

Raporti publikohet teksa Senati pritet të përfshihet për të pestën ditë në debate për paketën e madhe stimuluese të presidentit Obama.

Zoti Obama ka paralajmëruar se, nëse Kongresi nuk vepron me shpejtësi, kriza ekonomike mund të shndërrohet në katastrofë.

Japoni

Prodhuesi më i madh në botë i automjeteve, Toyota, ka njoftuar se pret një humbje vjetore tri herë më të lartë nga e parashikuara. Kjo shënon humbjen e parë në historinë 70 vjeçare të këtij prodhuesi japonez.

Në tremujorin e fundit të 2008-s, Toyota regjistroi një humbje prej katër miliardë dollarësh dhe priste që humbja vjetore të ishte më pak se pesë miliardë dollarë.
Analistët mendojnë se në problemet e Toyota-s kanë ndikuar faktorë të tillë si rënia e kërkesës, kapacitetet e stërmëdha të kompanisë si dhe fuqia e monedhës japoneze.

Francë

Presidenti francez, Nicholas Sarkozy i ka mbrojtur planet e tij për ringjalljen e ekonomisë franceze, duke thënë se ndërhyrja shtetërore në sistemin bankar, deri më tani, nuk u ka kushtuar qytetarëve asgjë.

Komentet e zotit Sarkozy u bënë mbrëmjen e së enjtes gjatë një interviste të drejtpërdrejtë televizive, një javë pas grevave dhe protestave kombëtare ndaj mënyrës së trajtimit të krizës nga qeveria franceze.

Zoti Sarkozi tha se sivjet nuk do të jepeshin shpërblime për drejtuesit e bankave të dështuara që mbaheshin në këmbë me paratë e publikut./bbc/

Raporti i panelit të Kongresit të Shteteve të Bashkuara pritet të thotë se bëhet fjalë për një mbipagesë prej 78 miliardë dollarësh.

Thesari amerikan këmbëngul se mobilizimi i 700 miliardë dollarëve parandaloi shkatërrimin e sektorit financiar.

Raporti publikohet teksa Senati pritet të përfshihet për të pestën ditë në debate për paketën e madhe stimuluese të presidentit Obama.

Zoti Obama ka paralajmëruar se, nëse Kongresi nuk vepron me shpejtësi, kriza ekonomike mund të shndërrohet në katastrofë.

Japoni

Prodhuesi më i madh në botë i automjeteve, Toyota, ka njoftuar se pret një humbje vjetore tri herë më të lartë nga e parashikuara. Kjo shënon humbjen e parë në historinë 70 vjeçare të këtij prodhuesi japonez.

Në tremujorin e fundit të 2008-s, Toyota regjistroi një humbje prej katër miliardë dollarësh dhe priste që humbja vjetore të ishte më pak se pesë miliardë dollarë.

Analistët mendojnë se në problemet e Toyota-s kanë ndikuar faktorë të tillë si rënia e kërkesës, kapacitetet e stërmëdha të kompanisë si dhe fuqia e monedhës japoneze.

Francë

Presidenti francez, Nicholas Sarkozy i ka mbrojtur planet e tij për ringjalljen e ekonomisë franceze, duke thënë se ndërhyrja shtetërore në sistemin bankar, deri më tani, nuk u ka kushtuar qytetarëve asgjë.

Komentet e zotit Sarkozy u bënë mbrëmjen e së enjtes gjatë një interviste të drejtpërdrejtë televizive, një javë pas grevave dhe protestave kombëtare ndaj mënyrës së trajtimit të krizës nga qeveria franceze.

Zoti Sarkozi tha se sivjet nuk do të jepeshin shpërblime për drejtuesit e bankave të dështuara që mbaheshin në këmbë me paratë e publikut.