Pse Real Madridi mund ta fitojë Ligën e Kampionëve këtë edicion

Marca ka bërë një shkrim rreth Real Madridit, duke dhënë arsye se përse ata mund të fitojnë Ligën e Kampionëve në këtë edicion.

Skuadra spanjolle mposhti Interin me rezultat komod 2-0 në “Estadio Santiago Bernabeu” të martën në mbrëmje.

Real Madridi përfundoi në krye të grupit të tyre dhe kjo do t’i ndihmojë ata të shmangin shumicën e skuadrave më të mira të Evropës në raundin tjetër, pasi vazhdojnë të udhëhiqen me mjeshtëri nga Carlo Ancelotti. Tani për tani gjërat po duken shumë mirë.

Puna e Ancelottit

Real Madridi mori 15 nga 18 pikët e mundshme për të kryesuar grupin, me gabimin e tyre kundër Sherifit që ishte e vetmja e metë në rekordin e tyre evropian këtë sezon.

Skuadra është në rrugën e duhur, gjë që është dëgjuar gjatë gjithë sezonit, por tani po shihet vërtet. Ata u përballën me kundërshtarë të fortë ai Interi, por dolën mirë në krye.

Nëse sezonin e kaluar ia dolën të shkonin deri në gjysmëfinale, atëherë asgjë nuk mund të përjashtohet këtë sezon.

Çfarë kërkohet nga Asensio

Marco Asensio shënoi një gol mahnitës vetëm pasi u inkuadrua në pjesë të dytë në Bernabeu.

Ai është duke kaluar nëpër një formë të mirë në këtë sezon dhe priten gjëra të mëdha nga ai

Le të shohim nëse ai mund të ndërtojë një formë stabile.

A është Kroos në më të mirën e tij

Pas tejkalimit të një lëndimi të madh, Kroos po luan në një nivel të jashtëzakonshëm dhe është në krye të lojës së tij.

Ai udhëhoqi me shembull skuadrën kundër Interit dhe shënoi një gol të shkëlqyer përpara se të vendoste ritmin e pjesës tjetër të lojës. Me një Kroos si ky, Real Madrid mund të ëndërrojë të bëjë gjëra të mëdha këtë sezon.

Emri i Militaos këndohet në Bernabeu

Eder Militao ka të gjithë Bernabeun në anën e tij. Ai luajti sërish në mënyrë të shkëlqyer përkrah David Alabas, duke treguar forcë, fokus dhe inteligjencë.

Nuk ka shumë lojtarë më të mirë se ai për momentin, dhe ndërhyrja e Nicolo Barellas në këmbën e Militaos tregoi se sa e vështirë është të luhet kundër tij. Ai tashmë i ka bërë njerëzit të harrojnë figurat ikonike si Sergio Ramos dhe Raphael Varane. /Telegrafi/