Me popullsinë e re që dinë shumë gjuhë e me njohuri teknologjike, Osmani: Kosova po bëhet një qendër teknologjike në rritje

Presidentja e vendit, Vjosa Osmani dhe një ekip nga Kosova po marrin pjesë në konferencën më të madhe të teknologjisë në botë Web Summit që po mbahet në Lisbonë të Portugalisë.

E para e shtetit para një audience në Lisbonë ritheksoi se sektori i lulëzuar i TIK-ut është një dëshmi e potencialit të Kosovës si destinacion kryesor për investime dhe bashkëpunim ndërkombëtar.

“Me popullsinë më të re të Evropës, me njohuri teknologjike, shumëgjuhëshe dhe me kostot më konkurruese të punës, Kosova po bëhet një qendër teknologjike në rritje.

Sektori ynë i lulëzuar i TIK-ut është një dëshmi e potencialit të Kosovës si destinacion kryesor për investime dhe bashkëpunim ndërkombëtar”, thekson Osmani.

With Europe’s youngest, tech-savvy, multilingual population, and the most competitive labor costs, Kosovo is becoming a burgeoning tech hub.

Our booming ICT sector is a testament to Kosovo’s potential as a prime destination for investment and int’l cooperation. #WebSummit pic.twitter.com/JiPeV8vslg

— Vjosa Osmani (@VjosaOsmaniPRKS) November 16, 2023

Ajo po ashtu thotë se sektori gjithnjë e në rritje i teknologjisë në Kosovë, i udhëhequr nga energjia e jashtëzakonshme e rinisë sonë, e pozicionon vendin tonë si një shembull inspirues në sektorin e teknologjisë informative.

“Mirëpo, teknologjia duhet të jetë gjithnjë në shërbim të njerëzimit dhe jo ta mbizotërojë atë. Duhet të jemi gjithnjë e më të angazhuar për të garantuar gjithëpërfshirjen, diversitetin dhe etikën në çdo hap të këtij rrugëtimi transformativ”, ishte shprehur ajo. /Telegrafi/