Pesë arsye pse Inter mund ta parakalojë Romën dhe të rikthehet në Ligën e Kampionëve (Foto)

Megjithëse shpresat e tyre për “Scudetto-n” u shuan pa një starti horror të fazës së dytë, forma aktuale e Inter ka ringjallur shpresat për vendin e tretë, që do të thoshte një rikthim në Ligën e Kampionëve.

Një fitore bindëse kundër Napolit, e ndjekur nga barazimi i Romas me Atalantan të dielën ka bërë me shpresë ekipin milanez, i cili deri para disa javësh dukeshin sikur nuk kishin më mundësi të kapnin vendin e tretë.

Më poshtë keni pesë arsyet pse Nerazzurriët duhet të ketë besim të parakalojë Romën në renditje.

Formacioni

Mancini ka provuar çdo formacion të mundshëm, përveç 3-4-3. Pas një periudhe të gjatë kur italiani nuk vendoste dot formacionin ideal, duke vendosur një formacion të bazuar mbi kundërshtarin, kjo ndryshoi që nga humbja me Juventus në Torino. Inter duken më mirë tashmë me formacionin 4-2-3-1, që mund të kthehet në 4-4-1-1 ose 4-3-3 gjatë lojës. E fundit u përdor gjatë ndeshjes me Napolin në mënyrë që vendasit ta godisnin kundërshtarin në kundërsulm.

Mauro Icardi dhe Stevan Jovetic

Argjentinasi ka luajtur standard në ndeshjet të fundit, në krahasim me fazën e parë ku ai nuk luajti kundër Romës dhe Milan. Duke parë formën e Icardit, me 15 gola të shënuar dhe 34% të rasteve të shfrytëzuara, nuk është surprizë që Mancini është mbështetur te kapiteni i tij. Megjithëse partneriteti me Jovetic nuk ishte i mirë shumicën e sezonit, dyshja duket se është ambientuar më shumë me njëri-tjetrin.

Ndeshjet e mbetura

Inter nuk i ka ngelur asnjë ekip i fortë në ndeshjet e mbetura. Teksa Roma duhet të ndeshet me Napolin dhe Milanin në javën e fundit të sezonit. Gjithsesi kalendari nuk është asnjëherë një gjë e sigurt për Interin.

Problemet e Romës

Giallorossët kanë marrë vetëm dy pikë në dy ndeshjet e fundit kundër Bolognas dhe Atalantas, dy ekipe që duken të lehta në letër. Shto këtu problemet midis Tottit dhe Spallettit. Nëse Roma nuk fiton me Torinon, Liga e Kampionëve rrezikohet.

Mancini dhe përmbysjet e tij

51-vjeçari gjithmonë ka pasur një dhunti për përmbysjet. Me Lazion në vitin 2000, kur ishte nëntë pikë larg me tetë ndeshje të mbetura por prapë arriti të fitonte Scudetton. Trajneri udhëhoqi Manchester Cityn drejt lavdisë duke fituar titullin në minutën fundit. Kështu që nuk do të ishte surprizë nëse Inter përfundon përpara Romës në Seria A.