Përballje për titullin në Suharekë mes Ballkanit dhe Dritës, formacionet zyrtare

Ballkani është nikoqir i Dritës së Gjilanit në kuadër të xhiros së 25-të në Superligën e Kosovës.

Dy skuadrat kryesuese të renditjes, Ballkani dhe Drita, do të zhvillojnë sot një prej ndeshjeve më të rëndësishme të këtij edicioni.

Portokallezinjtë kanë qenë bindshëm më të mirë se gjilanasit në ndeshjet si vendës dhe sot duan vetëm fitore që të parakalojnë sërish kampionin në renditje, ndërsa në anën tjetër duket se për mysafirët do të bënte punë edhe barazimi, pasi që do të ruanin lidershipin.

Përballja në Suharekë që drejtohet nga gjyqtari kryesor Visar Kastrati dhe do të fillojë prej orës 13:30.

Ballkani dhe Drita janë përballur dy herë këtë edicion, ku nga një fitore kanë të dyja, 2-1 në Gjilan kishte fituar Drita derisa 2-0 në Suharekë, Ballkani.

Formacionet zyrtare:

Ballkani: Ljuljanovic; Thaqi, Jashanica, Sinani, Potoku; Kuc, Korenica; Gripshi, Baftiu, Hoxha; Daku;

Drita: Maloku; Limani, Arago, Cuculi, Blakqori; B.Shabani, Namani; Xh.Shabani, Fazliu, Ajzeraj; Haxhimusa;

/Telegrafi/