Dhjetë vite kishte qenë në koma, habiten mjekët kur e shohin duke lindur foshnjën – policia amerikane arreston infermierin që kishte pasur marrëdhënie me pacienten (Video)

Policia në Arizona të SHBA-së ka arrestuar infermierin Nathan Sutherland, 36-vjeç, nën dyshimin se e kishte përdhunuar një paciente që kishte qenë në koma.

Ky veprim i tij është zbuluar kur gruaja e cila për plot 10 vite ishte në koma, solli në jetë foshnjën gjatë 29 nëntorit të vitit të kaluar, transmeton Telegrafi.

Dhe me sa duket Nathan Sutherland ishte përgjegjës që të kujdeset për këtë paciente, e cila as që kishte ide se çfarë i kishte ndodhur.

Personeli i spitalit as që e kishin ditur se kjo paciente kishte mbetur shtatzënë, derisa e dëgjuan duke bërtitur nga dhimbjet e lindjes dhe në momentin kur solli në jetë foshnjën.

Asaj për herë të fundit i kishin bërë kontroll të detajuar në prill të vitit të kaluar, kurse policia me të kuptuar se çfarë ka ndodhur ka filluar hetimet për sulm seksual, kurse punonjësve (meshkuj) të spitalit u është marrë mostra e ADN-së.

Ndërkaq Sutherland që punon në spital nga vitit 2011, akuzohet për sulm seksual. E pasi u zbulua skandali, drejtori i spitalit ka dhënë dorëheqje. /Telegrafi/