“Pazari i Bamirësisë” në kuadër të fushatës kombëtare “Ditët e Dhurimit” në Maqedoninë e Veriut

Me një “Pazar Bamirësie” ku të pranishmit patën mundësinë të blejnë produkte interesante të festave nga 13 ndërmarrje sociale përmes një donacioni të caktuar, përfundoi fushata kombëtare “Ditët e dhurimit” e cila mbahej dy muajt e fundit në kuadër të projektit Partneritete për Dhurim.

Kjo fushatë, e cila mbështeti 31 organizata jofitimprurëse, përfshiu 50 biznese dhe për të cilën u dhuruan 2.017.212 denarë në mjete financiare, mallra dhe shërbime dhe punë vullnetare, i mundësoi ekipit Connect të themelojë fondin e parë të donatorëve në vend.

Mbi 2100 qytetarë, organizata dhe kompani iu bashkuan fushatës së parë kombëtare të këtij lloji dhe bashkërisht krijuan mundësi për çdo qytetar dhe kompani për të investuar në një të ardhme më të mirë në vendin tonë.

“Inkurajimi i kapaciteteve të brendshme për të promovuar stabilitetin social dhe ekonomik të vendit në një demokraci multietnike është një prioritet për Shtetet e Bashkuara të Amerikës. Ne e shohim vlerën dhe kthimin e investimit në këtë, ndërsa jemi partnerë me ju për të nxitur një kulturë të dhënies dhe inkurajuar veprimin dhe investimin në mbarë komunitetin. Ne vërtet besojmë se filantropia e angazhuar është jetike për avancimin e vlerave demokratike”, theksoi drejtori i USAID-it në Maqedoninë e Veriut, Jerry Diable gjatë ngjarjes përmbyllëse.

Në “Pazarin Vullnetar” u shpërblyen yjet e muzikës, stilistë, kompani dhe donatorë që me vetëmohim mbështetën fushatën Ditët e Dhurimit dhe bënë të mundur fillimin e Fondit të parë të Donatorëve në vendin tonë.

“Suksesi i kësaj fushate “Ditët për Dhurim” nuk do të ishte i mundur pa mbështetjen vetëmohuese të donatorëve. Kemi themeluar fondin e parë filantropik ku donacionet e qytetarëve dhe bizneseve kombinohen për të mbështetur organizatat jofitimprurëse që ndryshojnë jetën në komunitetet tona”, theksoi drejtoresha ekzekutive e Connect, Nikica Kusinikova.

Ngjarja mbahet si pjesë e projektit të USAID-it për Partneritete për Donacione të zbatuar nga Connect në partneritet me Qendrën Evropiane për të Drejtën Jofitimprurëse, Odën Ekonomike të Maqedonisë Veriperëndimore, Indigo dhe Odën Ekonomike Amerikane në Maqedoninë e Veriut. /Telegrafi/