Paris Saint-Germain interesohet për nënshkrimin e Ronaldos nga Man Utd

Paris Saint Germain është i interesuar për nënshkrimin e Cristiano Ronaldos nga Manchester United këtë verë.

37-vjeçari u rikthye këtë verë pas 12 vitesh te Unitedi, duke zgjedhur të lidhet sërish me Djajtë e Kuq në vend që t’i bashkohej rivalëve të Manchester Cityt, i cili dukej afër ta merrte në Etihad pasi ai arriti një marrëveshje për tu larguar nga Juventusi.

Ronaldo besonte se do t’i bashkohej një skuadre të Unitedit të aftë për të sfiduar trofe, por kjo nuk u materializua – pavarësisht përpjekjeve të tij më të mira, të cilat kanë dhënë 15 gola në 23 ndeshje në të gjitha garat, ata janë shumë larg ritmit në Ligën Premier dhe të eliminuar nga dy kupave vendase.

Lexo po ashtu Nuk përjashtohet mundësia e ribashkimit të CR7 me Mourinhon – Roma, Bayerni dhe PSG destinacionet e mundshme

Agjenti i Ronaldos, Jorge Mendes është në bisedime me shumë klube nga e gjithë bota dhe tashmë thuhet se ka edhe një befasi në mesin e tyre.

Sipas faqes 90min, njëri prej klubeve është PSG, të cilët duan të shohin Ronaldon duke formuar një treshe të yjeve së bashku me Neymar dhe rivalin prej kohësh Lionel Messi.

Pronarët e PSG-së, Qatar Sports Investments – një degë e Katar Investment Authority dhe fondit sovran të pasurisë së vendit – janë të prirur të forcojnë emrin e tyre në futboll përpara Kupës së Botës më vonë këtë vit, dhe nënshkrimi i superyllit botëror Ronaldo do të jetë padyshim një ndihmë. /Telegrafi/