OBRM-PDUKM sot dorëzon vërejtjet për Ligjin për prokurori publike

Grupi punues i opozitës maqedonase sot duhet deri t’i dorëzojë grupit punues të shumicës amendamentet e tyre të Propozim-ligjit për prokurori publike që zgjidh edhe statusin e Prokurorisë Speciale Publike.

Toni Menkinovski, i cili kryeson grupin e OBRM-PDUKM-së, thotë se nuk kanë vërejtje në 120 faqet, por se ka hapësirë për marrëveshje, përcjell Telegrafi Maqedoni.

Zëdhënësi i Qeverisë, Mile Boshnjakovski, dje në konferencë për shtyp vërtetoi se OBRM-PDUKM sot duhet t’i dorëzojnë propozimet në lidhje me Ligjin për PSP-në dhe se nesër është caktuar një takim tjetër ku duhet të bisedohet për dallimet për këtë çështje mes Qeverisë dhe opozitës maqedonase. Ai theksoi se ekzistojnë dallime serioze mes Qeverisë dhe OBRM-PDUKM-së.

Zoran Zaev në intervistën për AIM deklaroi se janë të gatshëm të bisedojnë për secilën çështje që është e argumentuar me opozitën maqedonase, por kjo të mos jetë në dëm të shtetit dhe institucioneve të shtetit. Ai shpreson se Ligji për prokurori publike do të sillet nv kohë, para raportit të KE-së për vendin.

Në takimin e parë të hënë nuk u arrit marrëveshja rreth Propozim-ligjit për prokurori publike. Ministrja e Drejtësisë, Renata Deskoska e cila kryeson grupin punues nga pushteti, pas takimit tha se për ato është e papranueshme që PSP të jetë pjesë e prokurorisë për krim të organzuar, as ndalimi i hetimeve.

Shumica pret që Ligji për prokurori publike të miratohet në fund të këtij muaji, përkatësisht para fillimit të fushatës për zgjedhjet presidenciale. Kjo është edhe një nga kushtet e hapjes së bisedime-beve me BE-në në qershor të këtij viti./Telegrafi/