Nuk munguan problemet nga coronavirus, tani Liga Premier e Federata e Anglisë përplasen rreth ndikimit që do ta ketë Brexit-i

Futbolli tashmë ka shumë probleme shkaku i coronavirusi, derisa nuk duhet harruar se në Angli do të ketë edhe më shumë nga Brexit-i.

Ideja për t’u larguar nga Bashkimi Evropian është kritikuar shumë, mirëpo tani Britania e Madhe nuk është më pjesë e saj dhe kjo do të ndikojë direkt në lojtarët e huaj që tentojnë të luajë në Ligën Premier dhe në kategori më të ulëta.

Shumë klube angleze kanë lojtarë të huaj dhe në momentin që hyn në fuqi Brexit-i, atëherë do të ketë shumë probleme.

Mirror raporton se Liga Premier dhe Federata e Futbollit të Anglisë nuk janë duke u pajtuar në disa pika rreth Brexit-it dhe kjo mund të shkaktojë rrëmujë në futboll.

Është duke u bërë një ligj që lojtarët e huaj të kenë një “kartonë të gjelbër” që u lejon atyre të hyjnë dhe të dalin nga vendi pa problem.

Federata është kundër këtij rregulli dhe ka kërkuar që t’u jepet shansi më shumë lojtarëve vendor dhe jo të huajve, sidomos atyre nga Afrika dhe Brazili.

Liga Premier ka kërkuar që në një skuadër të jenë 14 lojtarë nga 25, derisa FA dëshiron të shtojë edhe tre më shumë. /Telegrafi/