Flamuri i Palestinës është i lyer me gjak. Në pjesën e bardhë të simbolit shtetëror zënë vend katër pika gjaku. Ky është imazhi nga Kosova në ekspozitën që bën thirrje për paqe.
Posteri i krijuesit kosovar, Rrezeart Galica, "Gazza Massacre" (Masakra në Gazë), prej sot do të fillojë shëtitjen nëpër botë. Fillimisht do të zë vend në "Gaza Poster Exhibition" (Ekspozita e posterëve për Gazën), që u kushtohet viktimave të ditëve të fundit në këtë vend.
Posteri i ligjëruesit të Fakultetit të Arteve në Univetsitetin e Prishtinës është në mesin e 82 veprave të autorëve të vendeve të ndryshme të botës. Stacioni i parë i ekspozitës është qyteti Erzurum i Turqisë.
"Posterin e kam punuar këto ditë, i prekur nga ajo tragjedi që përjeton populli palestinez", ka thënë Galica.
Sipas tij, ky poster reflekton pikërisht atë përballje të përgjakshme që sot po përjeton Gaza dhe e që na kujtojnë edhe gjakderdhjen në luftën e Kosovës të shkaktuar nga regjimi serb i Slobodan Milosevicit.
Ekspozita që organizohet nga një komunitet disenjatorësh nga vende të ndryshe, ndër të cilët janë Orhan Ardahanli, Ihsan Çanakçi, Ferdi Ayaz e Mustafa Ozçyçek, ka karakter ndërkombëtar dhe synon sensibilizimin e opinionit për vuajtjet e palestinezëve. Në mesin e artistëve pjesëmarrës do të jetë edhe grafisti i njohur irlandez Christopher Scott.
Për Galicën, nëpërmjet sensibilizimit rritet presioni tek të gjitha autoritetet relevante, përfshirë mediat, që të ndalet masakra kundër fëmijëve të Palestinës. Faktin që merr pjesë në këtë ekspozitë që do të qëndrojë e hapur për dy muaj – në Turqi fillimisht e më pas nëpër vende të tjera të botës – Galica e sheh si një reagim nëpërmjet artit për gjendjen e rëndë në Gazë. Kolegët e tij që ekspozojnë në këtë ekspozitë vijnë nga vende që kanë ndihmuar Kosovën në kauzën e saj.
"Dhe artistë të të njëjtave vendeve sot reagojnë për gjakderdhjen në Gaza", ka thënë ai.
Krijimin artistik për Gazën e sheh si përmbushje të obligimit të një artisti. Bëhet fjalë për art të angazhuar që heq dorë nga indiferenca.
Arti që bën Galica shquhet për atë se jo gjithmonë ndalet vetëm tek estetikja. Mesazhi gjithmonë përthekohet në veprat e këtij grafisti. Ai shpesh reagon edhe ndaj situatës në Kosovë. "NO MORE" e realizuar me një kombinim vizash, ka qenë një reagim ndaj pamundësisë së kosovarëve për të lëvizur të lirë dhe apel për heqjen e vizave. Ky punim u ekspozua në Berlin dhe Gjenevë, Ankara etj. Kurse "tUNg" ka qenë një tjetër poster që bëri goxha bujë më 2004, si një “përshëndetje” për UN-in.
Në maj të këtij viti, me ftesë të Universitetit Anadolu të Turqisë, ai hapi edhe një ekspozitë personale, ku shfaqi 40 punime të zhanrit poster, print, photo.
Një muaj më herët, Galica u bë artisti i parë nga Kosova që ekspozoi në Muzeun e Posterit, në Varshavë të Polonisë. Në edicionin e 24-të të Bienales të Ndërkombëtare të Posterit në Wilanow të Varshavës, e cila është e para në botë e këtij zhanri, ai e ekspozoi posterin “The World is Mine" – një ironi dhe lojë fjalësh që në shikim të parë duket sikur "bota është e imja", por në fakt tërheq vërejtjen se "bota është e minuar".
"Kur reagoj në mënyrën time, unë ndihem më komod, sepse ndihem si se jap kontribut edhe për vendin tim, por edhe si pjesë e njerëzimit që ndjenjën e të qenit mirë nuk e ndaj vetëm me veten", thotë Galica. /Koha Ditore/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?