Një nga videot që paralajmërojnë ardhjen e Messit ishte edhe mesazh për Real Madridin në lidhje me Mbappen

Në Real Madrid ende ruajnë shpresat për të nënshkruar me Kylian Mbappe këtë verë, por tani më gjasat janë zbehur, pasi që me ardhjen e Leo Messit, francezi mund të pranojë rinovimin e kontratës .

Se Paris Saint-Germain e do ende francezin dhe nuk mendon në largimin e tij, e ka konfirmuar edhe në njërën nga videot ku paralajmërohet ardhja e Messit, e që nga shumë po shihet si një mesazh i qartë për Los Blancos.

Në njërën prej kornizave në zhveshtore, shihen fanellat e Neymar dhe Mbappe të varura në të dyja anët, ndërsa në mes tyre flamuri i Argjentinës, që supozohet që do të jetë fanella e Messit.

⏳ pic.twitter.com/d7iPcYoOD3

— Paris Saint-Germain (@PSG_inside) August 10, 2021

Me këtë, PSG nënkupton që sulmi i tyre sezonin e ardhshëm do të shfaqet me tri figurat e yjeve që janë aktualisht në klub.

Mbappe hyn në vitin e fundit të marrëveshjes së tij, ku ai do të jetë në gjendje të diskutojë një transferim falas me klubet e tjera që nga janari 2022.

Plani i PSG -së duket i qartë: ata janë të gatshëm të rrezikojnë ta humbin atë falas vitin e ardhshëm, por do të provojnë ta bindin atë të qëndrojë kur zhvillohet sezoni.

Të gjitha shpresat e tyre duket se varen nga fakti nëse parisianët fitojnë apo jo Ligën e Kampionëve, gjë që është ajo që Mbappe dëshiron më shumë se gjithçka./Telegrafi/