Neymar do t’ia përsëris kërkesën për largim drejtuesve të PSG-së, takimi pritet të ketë tensione  

Ylli brazilian, Neymar do të përsërisë kërkesën e tij për t’u ribashkuar me Barcelonën në një takim me drejtorin sportiv të Paris Saint-Germain, Leonardo.  

Sipas gazetës katalunase Sport, Neymar pritet të ketë një takim me drejtorin Leonardo pasi u kthye sot (e hënë) në klub.

Takimi thuhet se do të shënohet me tension. Neymar do të përdorë takimin për të forcuar dëshirën e tij për t’u larguar nga klubi.

Lexo po ashtu Neymar kryeson listën e 15 lojtarëve më të kushtueshëm me të gjitha transferimet që kanë pasur, pas tij vijnë yje si Ronaldo, Ibrahimovic dhe Anelka

Ylli brazilian dëshiron të kthehet në Barcelonë këtë verë dhe pozicioni i tij është i pa-negociueshëm, edhe pse ai ka të mbetura edhe tre vjet në kontratën e tij me PSG-në.

Qëndrimi i Neymarit është i njëjtë me atë që u përkthye në klub në fund të majit, kur ai u largua nga Franca për t’u bashkuar me ekipin kombëtar brazilian për Copa America.

Që nga atëherë, 50 ditë më parë, kontakti mes klubit francez dhe atij spanjoll nuk ka sjellë një marrëveshje.

Lexo po ashtu Barcelona po konsideron ofrimin e tre yjeve në këmbim të Neymarit

Të gjithë të përfshirët besojnë se saga do të zvarritet për disa javë dhe mund të shkojë edhe deri në ditën e fundit të afatit kalimtar.

Takimi mes Neymarit dhe Leonardo, në Paris, është kapitulli i fundit, në të cilin sulmuesi brazilian dhe PSG do të deklarojnë qëndrimet e tyre. /Telegrafi/