Neymar: Njerëzit nuk më njohin, unë gjithmonë do ta dua Messin – Mbappe mbetet një talent i veçantë

France Football do të publikojë një intervistë të gjatë me Neymarin të martën, por ka nxjerr disa citime kryesore nga biseda me yllin e PSG-së, përfshirë edhe mendimet e tij për Leo Messin dhe Kylian Mbappén.

Ai ka folur edhe se si ai e sheh pozicionin e tij në dhomën e zhveshjes në Parc des Princes dhe angazhimi i tij për kampionët e Ligue 1.

“Kurrë nuk luaj të jem numri një. Unë luaj vetëm sepse e dua futbollin. Ndihem i lumtur kur jam duke luajtur. Dhe sa herë që futem në fushë, gjithmonë jap 100 për qind”.

Neymar u ndal duke treguar edhe se si e kalon kohën, duke shtuar se shumë njerëz nuk e njohin atë.

“Shumë njerëz nuk e njohin Neymar-in e vërtetë. Vetëm prindërit dhe miqtë e mi më njohin. Ajo që njerëzit shohin është diçka krejtësisht e ndryshme. Dhe ata nuk shohin aq shumë! Neymar i vërtetë është paqësor dhe shumë i lumtur”.

“Unë jam dikush që më pëlqen të kaloj kohë me familjen dhe miqtë e mi. Më pëlqen të shijoj veten time dhe të shijoj çdo minutë të jetës me ata që janë afër meje”, ka thënë ai.

Ai u ndal edh tek e ardhmja, duke e nënvizuar se ka edhe dy vite kontratë.

“Pse do të doja të largohem [qesh]. Më kanë mbetur dy vjet nga kontrata ime dhe skuadra ende po përmirësohet . Ne duhet të qëndrojmë të përqendruar në këtë sezon për të bërë sa më mirë që të mundemi dhe të fitojmë sa më shumë tituj”.

“Këtë sezon objektivi ynë kryesor është Liga e Kampionëve. Dhe përparësia ime është PSG . Qëllimi është gjithmonë të fitojmë ndeshjen tjetër. Në çdo ndeshje, ne duhet të shtyjmë veten për klubin. Kjo është mënyra si e shoh”.

Më në fund, Neymar u pyet në mënyrë të pashmangshme për Messin dhe Mbappe.

“Unë gjithmonë do ta dua Messin, dhe Mbappé është një talent me të vërtetë i veçantë”, ka thënë ai në intervitën e France Football. /Telegrafi/