Neymar e fton Pogban te PSG-ja

Ylli i Paris Saint-Germain, Neymar po i kërkon Paul Pogbas të lë Manchester Unitedin për tu bashkuar me të në Paris.

E ardhmja e mesfushorit francez vazhdon të mbetet në pikëpyetje dhe është përfolur shumë për një largim të tij nga Old Trafford.

Situata e tensionuar mes tij dhe trajnerit Jose Mourinho ka bërë që shumë skuadra të mëdha evropiane të vihen pas shërbimeve të tij.

Lexo po ashtu PSG planifikon një ofertë të parezistueshme për transferimin e Pogbas

Sipas mediumit Goal.com, Neymar e ka thirrur Pogban në shtator për ta pyetur nëse ai ishte i lumtur me jetën e tij në Mançester dhe nëse ai do të interesohej të kthehej në qytetin e tij të lindjes, Paris.

Neymar dhe Pogba kanë qenë shokë të ngushtë për disa vite dhe braziliani fillimisht u përpoq ta transferonte atë në Barcelonë para se ai të largohej nga Juventusi për t’u ribashkuar me Manchester Unitedin më 2016.

Tani, ai shpreson të veprojë si ‘mësit’ i marrëveshjes midis klubit të tij të ri, PSG-së dhe Pogbas.

Lexo po ashtu Pogba i gatshëm të deklarojë largimin nga Unitedi shkaku i Mourinhos

Skuadra e madhe nga Ligue 1 është e etur për të fituar Ligën e Kampionëve me presidentin Nasser Al-Khelaifi që ka investuar mbi 350 milionë funte për të nënshkruar me Neymar dhe Kylian Mbappe sezonin e kaluar.

Tani politika e klubit ka ndryshuar dhe drejtuesit po kërkojnë lojtarë francez, ku përveç mesfushorit të Unitedit, pëlqehet edhe ai i Chelseat, N’Golo Kante. /Telegrafi/