Gjatë 24 orëve të fundit në Spitalin e Përgjithshëm në Pejë, 218 pacientë kanë marrë trajtim emergjent shëndetësorë, dhe nga këta 18 pacientë janë shtrirë për trajtim të mëtutjeshëm.

Gjithashtu, në 24-orët e fundit kanë ndodhur 7 lindje, 3 të gjinisë mashkullore dhe 4 të gjinisë femërore.

Po ashtu, në raportin e publikuar thuhet se 291 pacientë kanë kryer analiza, që në total kanë bërë 4,052 analiza, ndërsa janë kryer 11 operacione.

“93 shërbime Radiologjike janë kryer gjatë ditës së djeshme dhe atë 56 Rëntgena, 20 EHO dhe 17 CT-ja”, thuhet në njoftim.

Sa i përket pandemisë COVID-19, bëhet e ditur se në 24-orët e fundit është shëruar edhe një pacient.

“Aktualisht po trajtohen 21 pacientë me Covid-19. Sa i përket gjendjes së pacientëve: 14 pacientë janë në Oksigjeno terapi ndërsa nga këta 5 pacientë janë në gjendje më të rëndë”, bëhet e ditur në njoftim./Telegrafi/