Ministria britanike e Mbrojtjes: Rusët po përdorin automjete të vjetra të mbushura me eksploziv si bomba në Ukrainë

Ushtria ruse po sulmon forcat ukrainase me automjete të vjetra të mbushura me eksploziv, njoftoi Ministria britanike e Mbrojtjes.

Një konferencë e inteligjencës të enjten citoi disa raporte, se forcat ruse po përdorin automjete të blinduara të vjetruara, të mbushura me disa ton eksplozivë si pajisje shpërthyese të improvizuara.

Ministria britanike e Mbrojtjes thotë se ekziston mundësia që kjo taktikë të jetë vepër e forcave çeçene, transmeton Telegrafi.

Lexo po ashtu Mbërrijnë në Ukrainë armët e shumëpërfolura nga SHBA

Çeçenët janë në mesin e disa grupeve që luftojnë në të dyja anët e luftës në Ukrainë, dhe vijnë nga një rajon gjysmë autonom në Kaukaz.

Një raport i Euronews në maj zbuloi se Rusia i përdorte çeçenët për të disiplinuar dhe gjoja ekzekutuar ushtarë disidentë, si dhe për të frikësuar civilët në Ukrainë.

Shumë çeçenë që luftuan në anën e Kievit, luftuan kundër Moskës gjatë luftërave të kaluara separatiste.

Lexo po ashtu Pjesëtarët e Wagnerit kanë filluar me dorëzimin e armëve te ministria e Mbrojtjes – bëhet fjalë për tanke, raketa e shumë municion

Ministria britanike e Mbrojtjes vuri në dukje se shumica e IED-ve të automjeteve dyshohet se u përdorën në Donetsk, afër Marinka, dhe praktika u shfaq disa ditë pasi njësitë çeçene u dërguan në atë zonë.

Çeçenët që bënin luftë për Ukrainën, gjithashtu thuhet se përdorën pajisje të ngjashme shpërthyese në janar 2023. /Telegrafi/