Mediat shpifin histori të rreme për jetën e tij, Fellaini angazhon avokatët për t’i paditur (Foto)  

Mesfushori i Manchester United, Marouane Fellaini ka zbuluar në profilin e tij se ai ka udhëzuar avokatët e tij lidhur me “historitë e rreme” që janë shkruar për të.

Fellaini nuk ishte përfshirë në barazimin 2-2 të Unitedit ndaj Stoke City dje (e shtunë), me menaxherin Jose Mourinho që ka deklaruar se reprezentuesi i Belgjikës ka një dëmtim të kyçit të këmbës.

Lexo po ashtu Edhe Fellaini tallet me foton e tij që u bë hit në internet (Foto)

Është raportuar nga tabloidi britanik Daily Mail se Laura Simpson, që kishte një natë me sulmuesin e Evertonit, Wayne Rooney para arrestimit të tij për vozitje në gjendje të dehur, pohoi se ajo kaloi një natë në vitin 2014 me ish-shokun e tij të ekipit, Fellainin.

Megjithatë, Fellaini, i cili është një lojtar i Djajve të Kuq që katër vite që kur u bashkua me Evertonin i ka hedhur poshtë këto shkrime.

Pas mohimit të këtij shkrimi, belgu ka vendosur t’i paditë njerëzit apo mediumet që qëndrojnë prapa shpifjeve për jetën e tij.

“Shumicën e kohës unë nuk kam komentuar historitë e rreme që janë shkruar për mua, por sot është tepruar dhe i kam udhëzuar avokatët e mi”, ka shrkaur Fellaini në Twitter. /Telegrafi/

Most of the time I do not comment on the false stories written about me, but today is enough and I have instructed my lawyers.

— Marouane Fellaini (@Fellaini) September 10, 2017