Mbi 55 për qind e zjarrfikësve njujorkez, refuzojnë vaksinimin kundër COVID-19

Mbi gjysma e zjarrfikësve të qytetit të New Yorkut thanë se nuk do të vaksinohen për COVID-19, pavarësisht nga vala e dytë e rasteve në qytet.

Gati 55 për qind e 2,053 zjarrfikësve u përgjigjën “jo” kur u pyetën “A do ta merrni vaksinën kundër COVID-19 nga Pfizer kur departamenti ta vë në dispozicion?” sipas një studimi të fundit të unionit, transmeton Telegrafi.

Sondazhi u krye nga Shoqata e Zjarrfikësve të Uniformuar (UFA), një sindikatë që përfaqëson 8,200 zjarrfikës aktivë në qytet, sipas New York Post.

Today’s #COVID19 indicators:

• 158 new hospitalizations
• 2,179 new cases
• 5% positivity rate (7-day avg.)

During this critical time in our city's history, we must band together to beat this pandemic. Consistency in following guidance is key, as well as getting tested.

— Mayor Eric Adams (@NYCMayor) December 5, 2020

Nëse zbulimet e sondazhit bëhen realitet – pasi shteti i Nju Jorkut parashikon 170 mijë doza të vaksinës Pfizer në pritje të miratimit emergjent të Administratës së Ushqimit dhe Barnave (FDA) – mijëra reagues të parë do të mbesin të prekshëm ndaj virusit dhe do të vazhdojnë të jenë përhapës të mundshëm.

Shteti, dikur një epiqendër për virusin, zbuti rastet gjatë verës. Sidoqoftë, javët e fundit zona ka parë një valë të dytë të infeksioneve.

Sipas Times, shteti raportoi një mesatare prej 8,815 rastesh të reja çdo ditë, një rritje prej 80 për qind krahasuar me javë më parë. /Telegrafi/