Ronaldo thuhet se ka arritur marrëveshje me klubin arab për 200 milionë euro në vit

Cristiano Ronaldo thuhet se ka rënë dakord për një kontratë 200 milionë euro në vit me Al Nassr në Arabinë Saudite.

37-vjeçarit iu ndërpre kontrata me Manchester United në fillim të këtij muaji, pas një marrëdhënieje të trazuar me shefat e klubit që u përkeqësua vetëm kur ai bëri një numër deklaratash të diskutueshme në një intervistë televizive me Piers Morgan.

Portugezi po kërkonte një largim nga Old Trafford gjatë verës, por nuk e realizoi dëshirën e tij pasi ishte i vendosur të luante futboll në Ligën e Kampionëve.

Ish-ylli i Real Madridit refuzoi një kalim në Saudi verën e kaluar, por pa ndonjë interes të fortë nga klubet elitare të Evropës, ai duket se do ta bëjë këtë lëvizje tani.

Sipas gazetës spanjolle Marca, Ronaldo thuhet se ka rënë dakord për një marrëveshje dyvjeçare e gjysmë me Al Nassr me vlerë 200 milionë euro në vit që do ta shohë atë të luajë deri në moshën 40-vjeçare.

Al-Nassr është një nga klubet më të suksesshme në Arabinë Saudite, duke u kurorëzuar nëntë herë fitues të ligës më të mirë të vendit, me triumfin e tyre më të fundit në vitin 2019.

I njëjti raportim ka sugjeruar gjithashtu se asnjë klub nga Evropa ose MLS nuk mund të përballojë të ofrojë diku afër një oferte kaq luksoze. /Telegrafi/