Kosova nuk u ftua në Samitin për Demokraci në SHBA, reagon Pacolli: Nuk na bën nder të jemi në grup me Vuçiqin, Dodikun dhe Putinin

Kryetari i Aleancës Kosova e Re, Behgjet Pacolli, ka shprehur shqetësim që Kosova nuk është ftuar të marr pjesë në Samitin për Demokraci që mbahet në SHBA.

Pacolli ka thënë se “Përjashtimi i Kosovës nga Samiti i Demokracisë, i cili ka qenë projekti i politikës së jashtme të Presidentit Biden, është po aq shqetësues sa edhe nevojë për të reflektuar se ku po shkon Kosova”.

“Është hera e parë që Kosova përjashtohet nga një Samit i Shoqërive të Lira, samit ku Kosova duhet të ishte e para në rajon. Kosova më shumë se kurrë më parë ka nevojë të thyejë ciklin e izolimit. Shteti ynë duhet të jetë në forume shumëpalëshe si ky forum, por duhet të ketë edhe angazhim bilateral”, ka shkruar Pacolli në një postim në Facebook, përcjell Telegrafi.

Lexo po ashtu Ekskluzive: Ambasada Amerikane flet për mos-ftesën e Kosovës në Samitin e Demokracisë - Kosova partner i palëkundur

Ai më tej ka thënë se “asnjëherë në historinë e Kosovës nuk ka ndodhur që për më shumë se 7 muaj qeveria të mos e vizitojë Uashingtonin dhe as që një lider kosovar të mos takohet me homologët  e tyre amerikanë. Kjo nuk ndodhi as gjatë  Asamblesë se Përgjithshme të OKB-së”.

“Nuk i bën Kosovës nder të mbetët së bashku në grup me Vuçiçin, Dodikun dhe Putinin! Përkundrazi është një kambanë alarmi!!!!!”

Sipas Pacollit, “Kosova në këto vite dhe muaj është treguar e pasinqertë ndaj aleancës me SHBA-në. Joe Biden dhe John Kerry gjatë administratës së Obamës u ofenduan nga pushtetarët e sotëm ndërsa sot çdo kërkesë amerikane merret me dyshim, refuzohet apo përbuzet”.

“Kryeministri Kurti mori atë që donte. Nga Shtëpia e Bardhë, jo e kuqja, apo e gjelbërta, u vendos në grupin e shteteve që kanë vijë të kuqe nga Shtëpia e Bardhë. Dëm i madh për Kosovën!”, ka shkruar lideri i AKR-së./Telegrafi/