Klopp flet pas fitores së çmendur kundër Dortmundit

Trajneri i Liverpoolit, Jurgen Klopp, ka thënë se fitorja e skuadrës së tij 4:3 ndaj Dortmundit në Anfield në Evropa Ligë ka treguar se futbolli evropian është në periudhën më të mirë.

“Të Kuqtë” kthyen rezultatin në sekondat e fundit edhe pse ishin dy gola prapa për t’u kualifikuar në gjysmëfinale të Evropa Ligës me rezultat të përgjithshëm nga dy ndeshjet 5:4.

Klopp ka thënë se ishte duke pritur edhe humbjen, pasi skuadra e tij ishte duke pësuar 2 me 0 pas pjesës së parë, por thotë se rikthimi ka nxjerrë një natë të paharruar në Anfield.

“Është e vështirë për ta shpjeguar. Natë e mrekullueshme, e mrekullueshme në Anfield dhe të jem i sinqertë ndeshja ishte e çuditshme”, ka thënë ai pas takimit për “BT Sport”.

“Kur futëm në lojë Daniel Sturridgen dhe Joe Allenin u thamë ‘duhet të tregojmë karakter’. Nuk më intereson nëse humbim, duhet të tregojmë karakter dhe këtë e bëmë. Futbolli evropian është në kohën më të mirë. Është vështirë të besojmë. Urime të gjithë lojtarëve”, ka shtuar ish-trajneri i Dortmundit.