92 punëtorët e Hotel Grandit do të vazhdojnë punën me vetëfinancim, pas një diskutimi që u zhvillua në ambientet e këtij hoteli ndërmjet Autoriteteve të Likuidimit të Agjencisë Kosovare të Privatizimit dhe përfaqësuesve të punëtorëve të Grandit.
Përfaqësuesit e punëtorëve thonë se kanë arritur këtë marrëveshje, por ka qenë e pamundur të kontaktohet AKP për të sqaruar nëse Autoritetet e Likuidimit kishin shkuar për të larguar punëtorët nga atje.
Mustafë Ahmeti, nga Sindikata e Pavarur e Punëtorëve të Hotel Grandit, ka kërkuar që të ju bëhen kontrata për shërbime dhe se punëtorët të mbeten në punë deri në shitjen e saj.
Ai thotë se do të bashkëpunojnë me autoritetet kompetente që 92 punëtorët të vazhdojnë punën, në të kundërtën Mustafa paralajmëron largim kolektiv nga Kosova. “Është unanim qëndrimi i të gjithë punëtorëve që të vazhdohet me punë, në të kundërtën punëtorët kanë marrë një qëndrim se do t’i ftojnë autobusët para Grandit dhe me familjet e tyre në mënyrë të organizuar do të fillojnë eksodin, le ta sheh krejt bota”, deklaron Ahmeti.
Kryetari i Sindikatës së Pavarur të Ekonomisë së Vogël dhe Zejtarisë, Jusuf Azemi, thotë se punëtorët do të vazhdojnë punën me vetëfinancim dhe nëse nuk ia dalin ka paralajmëruar ulje të pagave, por jo edhe largim të punëtorëve. “Ai thotë se na nuk kem ardh më i mbyllë zyrat dhe me largu askënd prej pune, për një kohë shumë të shkurt do të bëhen kontratat për të gjithë punëtorët. Kështu jemi marrë vesh”, thotë Azemi.
“Hotel Grand” është përfshirë në procesin e likuidimit dhe në mbledhjen e Bordit të Drejtorëve të Agjencisë të muajit gusht 2014, është vendosur që data e fillimit të procesit të likuidimit do të jetë data 2 shkurt 2015.
Me përfshirjen e ndërmarrjes në likuidim bëhet njoftimi për anulimin e të gjitha kontratave të punës ndërmjet ndërmarrjes dhe punonjësve që është procedurë ligjore sipas nenit 8 të Ligjit të AKP-së. Sipas Ligjit çështja e angazhimit të punëtorëve në këtë ndërmarrje tash është nën kompetenca të Autoritetit të Likuidimit të po kësaj ndërmarrje.
Edhe me kontratat e qirasë të shfrytëzuesve të ndryshëm në hapësirat e Grandit veprohet njëjtë dhe sipas Ligjit “që nga momenti i miratimit të Vendimit për Likuidim, shitja, zgjidhja, tjetërsimi, transferimi apo inicimi i qiradhënies së një prone të ndërmarrjes, në tërësi apo pjesërisht, përfshirë transferet për përmbushjen e obligimeve ekzistuese, apo krijimin e garancive apo interesave hipotekare kundrejt pronës së ndërmarrjes që nuk është iniciuar nga Autoriteti i Likuidimit ndalohet pa urdhër të Gjykatës.
Hoteli Grand ishte privatizuar me një çmim prej rreth 8 milionë eurosh, me zotimin se për dy vjet do të investoheshin rreth 20 milionë euro, si dhe do të punësoheshin mbi 400 punëtorë. Por, blerësi nuk kishte arritur që t’i përmbushte zotimet për investime e punësim dhe Agjencia Kosovare e Privatizimit dhe kishte vendosur që t’ia marrë aksionet blerësit të Hotelit Grand. Hoteli Grand ishte ndërtuar në vitin 1978 dhe në vitet ‘70 njihej si një nga hotelet më të mëdha në ish-Jugosllavi. “Grand Hotel”, përbëhet nga afërsisht 32.000 metra katrorë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Vendimi për pagën minimale ngre dilema ligjore, Ministria e Financave hesht
Bajrami i reagon kryeministrit Kurti për Investimet e Huaja Direkte: Kjo ka ndodhur nga blerja e banesave nga mërgata
Kurti krenohet me investimet e huaja direkte: Janë rritur 2.4 herë më shumë krahasuar me qeveritë e kaluara
Inaugurohet investimi më i ri për lumturinë e fëmijëve - ATC Trade
Për flokë dhe lëkurë rrezatuese: Këto 3 lloje të kolagjenit janë gjithçka që ju duhet
Horizon School mirëpret nxënësit për ditën e parë të shkollës
IPKO angazhohet për një vit të suksesshëm shkollor në Kosovë
Kush tha që pushimet verore kanë mbaruar? Shtatori vie me oferta që nuk duhet t'i humbisni asesi
Fondi i Kursimeve Pensionale: Arrihet vlera 3 miliardë euro në menaxhim
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Publikohen pamjet e reja të Titanikut - anija e famshme po kalbet në fund të oqeanit
Historiku i përleshjeve Capat-Sekiraqa, që përfundoi me viktima
Indiania e dërgoi djalin në spital sepse gëlltiti një çelës - mjekët e tronditur zbuluan se ai kishte ngrënë edhe disa objekte metalike
Real Madridi kishte vetëm dy objektiva të tjerë në verë - kishte arsye të forta pse u tërhoq
Çfarë tregojnë historitë e zëvendëspresidentëve për shanset e Kamala Harrisit?
Finlanda do të zgjidhë një nga sfidat më të mëdha të njerëzimit