Juventusi dhe Liverpooli në garë për talentin Manor Solomon

Juventusi është i gatshëm ta sfidojë Liverpoolin për talentin izraelit, Manor Solomon.

18-vjeçari ka lënë përshtypje me paraqitjet e tij për Maccabi Petah Tiqwa, ndërsa ishte në bankën rezervë të përfaqësueses së tij, kur Izraeli luajti kundër Italisë më 5 shtator në kuadër të ndeshjeve kualifikuese për Kampionatin Botëror, ‘Rusia 2018’.

https://www.instagram.com/p/BY8viCKAjTC

Calciomercato.it raporton se Bianconerët janë duke e monitoruar nga afër mesfushorin ofensiv dhe do të bëjnë ofertë për të.

Çmimi i tij besohet të jetë rreth pesë milionë euro, mirëpo Zonja e Vjetër nuk do ta ketë të lehtë transferimin e tij, pasi lojtari kërkohet edhe nga Liverpooli.

Solomon e nisi karrierën si i vogël te Hapoel Kfar Saba (2007), ku qëndroi për një vit.

Në vitin 2008, ai iu bashkua Akademisë së të rinjve të Maccabi Petah Tiqwa, ku vazhdoi të zhvillohej si futbollist.

Në nëntor të vitit të kaluar, Manor debutoi për ekipin e parë të klubit aktual, kurse në janar të këtij viti e shënoi golin e parë si futbollist profesional. /Telegrafi/