Jurgen Klopp: Sergio Ramos, një mundës brutal

Jurgen Klopp sërish ka kritikuar Sergio Ramosin për qasjen e tij agresive në finalen e Ligës së Kampionëve dhe ka krahasuar veprimet e tij të një “mundësi brutal”.

Ramos ishte kontravers në finalen ndaj Liverpoolit të zhvilluar në maj.

Ai ndikoi në përjashtimin e Mohamed Salahut nga loja për shkak të lëndimit dhe po ashtu pas finales ishte konstatuar se goditi Kariusin gjatë një dueli, duke ndikuar në gabimet e portierit gjerman.

“A po hapim atë shishe sërish? Është aksion, reaksion, aksion e reaksion dhe nuk më pëlqen kështu, por nëse shikoni sërish xhirimet dhe nuk jeni tifoz i Real Madridit, atëherë do të thuani ishte brutale dhe e pamëshirshme”.

“Në një situatë të tillë, dikush duhet të gjykojë më mirë. Nëse VAR vjen në një situatë të tillë, atëherë ka rishikim. Jo të jepet karton i kuq, po të thuhet: Çka ishte ajo? Ishte e pamëshirshme”.

“Nuk jam i sigurt nëse është një përjetim që do të duhet ta kalojmë sërish, duke shkuar me bërryl te portieri, duke rrëzuar në fushë top golashënuesin si një mundës e më pas të fitohet ndeshja”.

“Ky ishte tregimi i ndeshjes. Ramos ka thënë shumë gjëra pas ndeshjes që nuk më pëlqyen. Si person nuk më pëlqyen reagimet e tij. Ai u sill thua se ishte gjithçka normale. Jo, nuk ishte normale. I bashkoni të gjitha situatat dhe kuptoni se ka shumë situata me Ramosin”.

“Ata edhe me skuadra të tjera kanë pasur të tilla polemika, me Cuadradon ndaj Juventusit ishte rasti i Ramosit. Askush nuk foli më pas. Është situatë thua se ne të gjithë duhet të pranojmë që të tjerët të shfytëzojnë të gjitha armët ndaj nesh për të fituar ndeshjet. Njerëzit presin që unë të jem i njëjtë, por jo”, u shpreh Klopp. /Telegrafi/