Jo iPhone por Xiaomi Mi5 do ta sjell ekranin prej safiri?

Para lansimit të iPhone 6 dhe 6 Plus, kishte shumë thashetheme se Apple do ta lansojë gjeneratën e re të iPhone me xhamin prej safiri, por një gjë e tillë nuk ndodhi më pas. Më pas, Apple u mund nga Kyocera, ndërsa tani rivali tjetër i Apple, kompania kineze Xiaomi thuhet se do ta bëjë telefonin e saj të ri me materialin më të qëndrueshëm për ekranin e telefonit.

Burimet e DigiTimes kanë zbuluar se Xiaomi është duke planifikuar që telefonin e saj të ri ta pajis me xhamin prej safiri.

Do të jetë Xiaomi Mi5 i cili përveç karakteristikave të shumta ta avancuara të cilat do ti ketë, do të ofrojë edhe ekranin e qëndrueshëm, por edhe luksin dhe fuqinë e jahstëzakonshme për ta bërë këtë model më të mirin në Android.

Aktualisht, nuk dihet shumë për karakteristikat e Mi5, por thuhet se i njëjti do ta sjell ekranin në 5.7-inç në QHD, procesorin e Qualcomm Snapdragon 810 me 3GB RAM. Sipas burimit të njëjtë të lajmit thuhet se Xiaomi Mi5 do të mund të prezantohet në CES 2015. (Telegrafi)