IPKO për bajram: 1 cent SMS-i, në të gjitha rrjetet

Me rastin e festës së Fiter Bajramit, IPKO ka vendosur që t’i shpërblejë të gjithë konsumatorët e vet, duke e liruar çmimin për sms lokal, me vetëm 1 cent drejt çdo operatori mobil në Kosovë, ndërsa dërgimi për një sms ndërkombëtar do të jetë vetëm 5 cent.

Edhe gjatë kësaj feste, Ipko po e vazhdon praktikën e shpërblimit të konsumatorëve të saj përmes risive të këndshme dhe ofrimit të çmimeve më të volitshme për komunikim, e posaçërisht në rastet kur komunikimi mes konsumatorëve të saj është më i shpeshtë dhe më i domosdoshëm.

“Për ditën e Fiter Bajramit më 9 shtator për 24 orë rresht, dërgimi i urimeve, me SMS, tek familja, shokët dhe të afërmit, konsumatorëve të telefonisë mobile IPKO do t’i kushtoj vetëm 1 cent drejt të gjithë operatorëve mobil në Kosovë, ndërsa dërgimi i një SMS-i ndërkombëtar atyre do t’ju kushtoj 5 cent. Për festat zyrtare, të gjitha thirrjet brenda rrjetit IPKO janë me tarifë të ulët, 5 cent në minutë”, thuhen në një komunikatë të Ipkos. .

Ipko në vazhdimësi kujdeset, që të gjithë konsumatorët e saj të përfitojnë nga çmimet e volitshme, kualiteti i shërbimeve dhe produktet inovative të cilat ofrohen nga kjo kompani. /Telegrafi/