LAJMI I FUNDIT:

Instituti EPIK: Institucionet përgjegjëse të fillojnë një dialog të afërt me ENQA me qëllim të rikthimit të Kosovës në këtë Asociacion

Instituti EPIK: Institucionet përgjegjëse të fillojnë një dialog të afërt me ENQA me qëllim të rikthimit të Kosovës në këtë Asociacion

Instituti EPIK përmes një njoftimi për media thekson se ka përcjell me shqetësim zhvillimet rreth Agjencisë së Kosovës për Akreditim (AKA), të cilat kulmuan me përjashtimin e AKA-së nga Asociacioni Evropian për Sigurimin e Cilësisë në Arsimin e Lartë (ENQA).

Sipas njoftimit për media “EPIK”, thekson se zhvillimi i sotëm ndodh në vazhdën e mungesës së vëmendjes dhe vullnetit politik për avancimin e sistemit arsimor në Kosovë.


“Për më tutje, zhvillimi i sotëm është hap mbrapa në zbatimin e Marrëveshjes Stabilizim Asocimi dhe Agjendës Evropiane të Reformave. Titulli VIII, neni 107 i Marrëveshjes Stabilizim Asocimi, krijon obligime kontraktuale për Republikën e Kosovës, respektivisht: “Prioritet i sistemit të lartë arsimor do të jetë arritja e standardeve adekuate të kualitetit të institucioneve dhe programeve respektive, në harmoni me objektivat me procesin e Bolonjes dhe Deklaratën.” Shtylla III, prioriteti 5 i Agjendës së Reformave Evropiane (ERA) kërkon nga institucionet e Kosovës të ndërmarrin masa të cilat sigurojnë: “Përmirësimin e cilësisë së arsimit, me theks të veçantë tek përmirësimi i cilësisë së përgjithshme të arsimit të lartë””, thuhet në njoftim.

Instituti EPIK thekson se zhvillimet sikur ky i sotëm dëshmojnë mungesën e pjekurisë dhe vullnetit politik për zbatimin e detyrimeve që rrjedhin nga Marrëveshja Stabilizim Asocimi dhe Agjenda Evropiane e Reformave.

“Këto zhvillime dëmtojnë perspektiven Evropiane të Kosovës dhe largojnë Kosovën edhe më tutje nga përcaktimi strategjik i Kosovës për anëtarësim në BE. Ftojmë institucionet përgjegjëse që të kthejnë vëmendjen në avancimin e sistemit arsimor në Kosove, dhe në veçanti të fillojnë një dialog të afërt me ENQA për të adresuar sfidat e identifikuara, me qëllim të ri-pranimit të Kosovës në ENQA”, thuhet tutje në komunikatë.

Ndryshe në letrën dërguar Agjencisë së Kosovës për Akreditim, presidenti i ENQA-s Christoph Grolimund, ka shkruar se bordi i ENQA-s ka ardhur në përfundim se niveli i përgjithshëm i pajtueshmërisë me Standardet dhe udhëzimet për sigurimin e cilësisë në Hapësirën Evropiane të Arsimit të Lartë (ESG) nuk është i mjaftueshëm për të përmirësuar anëtarësimin e Agjencisë në këtë fazë./Telegrafi/

Në trend Lajme

Më shumë
“Po përjeton presion nga të gjitha anët”, mediat rajonale për pretendimet se Vuçiq u ka shkruar liderëve evropianë lidhur me Kosovën në KiE

“Po përjeton presion nga të gjitha anët”, mediat rajonale për pretendimet se Vuçiq u ka shkruar liderëve evropianë lidhur me Kosovën në KiE

Lajme
Vrasja e 21-vjeçares, avokatja Gashi-Bytyqi: Kodi Penal thotë se dorasi duhet dënuar me burgim të përjetshëm

Vrasja e 21-vjeçares, avokatja Gashi-Bytyqi: Kodi Penal thotë se dorasi duhet dënuar me burgim të përjetshëm

Drejtësi
Bujar Osmani: Në 48 orët e ardhshme mund të ndodh një konflikt i madh në Lindjen e Mesme

Bujar Osmani: Në 48 orët e ardhshme mund të ndodh një konflikt i madh në Lindjen e Mesme

Politikë
Vrasja e 21-vjeçares, Sveçla: Do të kujdesemi në zbardhjen e rrethanave dhe përgjegjësisë së secilit zyrtar

Vrasja e 21-vjeçares, Sveçla: Do të kujdesemi në zbardhjen e rrethanave dhe përgjegjësisë së secilit zyrtar

Lajme
Shumica e shqiptarëve të Shqipërisë nuk e kanë vizituar asnjëherë Kosovën

Shumica e shqiptarëve të Shqipërisë nuk e kanë vizituar asnjëherë Kosovën

Lajme
Gjithçka nga vrasja e rëndë në Ferizaj, mjeku flet për gjendjen shëndetësore të 15-vjeçarit të plagosur

Gjithçka nga vrasja e rëndë në Ferizaj, mjeku flet për gjendjen shëndetësore të 15-vjeçarit të plagosur

Elfije Boletini
Kalo në kategori