Guardiola: Krenar me lojtarët, kështu duhet të luajmë edhe në Ligën e Kampionëve

Pep Guardiola ka përgëzuar lojtarët e tij pas fitores 2-1 në derbin e javës në Ligën Premier ndaj liderit Liverpoolit.   

City ka fituar derbin e madh ndaj Liverpoolit duke e zvogëluar epërsinë në renditjen tabelore dhe kjo e ka gëzuar Guardiolan, i cili është krenar me lojtarët.

“Jam krenar për lojtarët, por jo vetëm sot”, ka thënë fillimisht Guardiola pas ndeshjes për BBC Sport.

Lexo po ashtu City mposht Liverpoolin në duelin e drejtpërdrejtë dhe i afrohet në katër pikë liderit

“Kemi humbur dy ndeshje në katër ditë, por nuk mund të harrosh atë që kanë bërë për 16 muaj”.

“Ne e dinim se ishte një finale sot (e enjte), nëse e humbnim do të kishte përfunduar gjithçka pothuajse”.

“Të gjitha meritat shkojnë për këta lojtarë të pabesueshëm. Kështu duhet të luajmë edhe në Ligën e Kampionëve”.

“Të dy ekipet u përpoqën të merrnin më shumë nga ndeshja, por ne luajtëm pa frikë, edhe pse kemi pasur shumë presion”.

Lexo po ashtu Notat e lojtarëve: Manchester City 2-1 Liverpool, Sterling lojtar i ndeshjes

“Ata janë liderë, janë katër pikë përpara, por kemi zvogëluar diferencën”.

“Ne e dinim se nëse do të fitonim do të ishim në garë për të luftuar për titullin e Ligës Premier dhe nëse humbnim ka përfunduar gjithçka”, përfundoi spanjolli. /Telegrafi/