Guardiola me fjalë të mëdha për lojtarët e tij, pas triumfit në derbin me Unitedin

Trajneri i Manchester Cityt, Pep Guardiola, foli me entuziazëm pas fitores në derbi përballë Manchester United.

Citizens fituan 4-1 në derbin lokal, derisa Djajtë e Kuq ishin tërësisht të humbur.

“Ishte një ndeshje e shkëlqyer që nga minuta e parë. Ne luajtëm shumë mirë dhe duhej të kishim durim që në hapin e parë”, ka deklaruar fillimisht Guardiola.

Lexo po ashtu Pep Guardiola etiketohet si 'Trajneri i kodit mashtrues' pas komentit të 'pesë minutave' në intervistën para derbit, City-United

“Ralf Rangnick u përpoq të ndryshonte mentalitetin, që Man Unitede të ishte më agresiv, por ne krijuam hapësirë, veçanërisht në pjesën e dytë, për të luajtur pas McTominay dhe Fred”.

“Futbolli është emocione. Është taktikë, patjetër, por është edhe emocione. Ne jemi një ekip me dëshirë dhe pasion për të rifituar topin nga minuta e parë deri në të 90-ën”.

Lexo po ashtu Vazhdon forma e tmerrshme e Maguire, askush nuk mund ta kuptojë sjelljen e tij me topin

“Jack Grealish ishte i shkëlqyer. Në një të tretën e fundit të fushës ai është shumë altruist. Kur sheh Phil Fodenin dhe Riyad Mahrez, topi është i tyre”.

“Ky është hapi tjetër për Jack, por për sa i përket vendimmarrjes dhe pasimit të topit lojtarëve që kanë hapësirë, ai ishte i jashtëzakonshëm”, ka shtuar më tej strategu i Cityt. /Telegrafi/