Gatishmëria e Kurtit për nënshkrimin e Propozimit evropian, Lajçak flet për qëndrimin e BE-së dhe tregon se çfarë pret nga takimi i 18 marsit 

Më 27 shkurt, Kosova dhe Serbia janë pajtuar për Planin evropian për normalizimin e raporteve ndërmjet dy vendeve.

Saktësisht, të dy liderët, kryeministri i Kosovës, Albin Kurti dhe presidenti i Serbisë, Aleksandar Vuçiq ranë dakord se nuk nevojiten diskutime të mëtejshme mbi Propozimin e BE-së për normalizimin e marrëdhënieve, i cili potencialisht mund të hapë rrugën për zgjidhjen e problemeve.

E lidhur me takimin e 27 shkurtit, i dërguari i Bashkimit Evropian, Miroslav Lajçak në një intervistë për Atlantic Council ka dhënë detaje.

“Ishte një takim i mirë…diskutimi mes dy liderëve ishte shumë i hapur, i sinqertë, emocional ndonjëherë, por shumë i respektueshëm…shumë interesant për ta ndjekur…”, tha Lajçak, transmeton Telegrafi.

Lexo po ashtu Lajçak: Asociacioni nuk e dobëson Kosovën, në tavolinë janë 16 modele evropiane

Ai bëri të ditur se palët nuk janë pajtuar për shumë çështje, megjithatë diskutimi ishte i mirë.

“Më i rëndësishme ishte se palët janë pajtuar se nuk nevojiten diskutime të mëtejshme mbi Propozimin e BE-së për normalizimin e marrëdhënieve…”, tha Lajçak, duke shtuar se tashmë teksti/propozimi evropian është zyrtarisht i mbyllur dhe fokusi është në aneksin për zbatimin e Propozimit.

“Diskutimet nuk ishin të lehta dhe nevojitet shumë punë për tu bërë…”, tha ai.

I dërguari i BE-së foli edhe për gatishmërinë e Kurtit për ta nënshkruar Propozimin.

Lexo po ashtu Kurti: Isha i gatshëm ta nënshkruaja, por Vuçiq refuzoi - dëm që nuk ndodhi sot

Ai tha se ishte propozim i Kurtit për ta nënshkruar Planin, por sipas tij, do të ishte e pamatur si proces pasi marrëveshja pa zbatim do të ishte vetëm deklaratë politike, e jo marrëveshje ligjore.

“Do të ishte e pamatur (si proces) pasi pa aneksin për zbatim do të ishte më shumë një deklaratë politike se marrëveshje ligjore. Dhe për këtë theksuam të presim deri në mirëkuptim të plotë dhe marrëveshje të plotë se si do të zbatohet…”, tha ai.

Lajçak duke u përgjigjur në pyetjen për deklaratat e Vuçiqit se do të pengojë anëtarësimin e Kosovës në OKB, tha se kanë kërkuar nga palët të jenë të matur dhe të përmbajtur nga deklaratat publike sepse është moment sensitiv dhe duan ta ruajnë atmosferën konstruktive për takimin e 18 marsit.

Lexo po ashtu Tha se do të kundërshtojë anëtarësimin e Kosovës në OKB, Kurti: Vuçiq shkeli propozimin evropian

Ai tha se presin që në takimin e 18 marsit palë të pajtohen për udhërrëfyesin e zbatimit të Propozimit evropian.

Lajçak ka folur edhe për çështjen e Asociacionit të komunave me shumicë serbe e çështje tjera. /Telegrafi/