Fjalët e Rodrygo Goes dëshmojnë mentalitetin e jashtëzakonshëm të Real Madridit në Ligën e Kampionëve

Real Madridi po shijon një verë shumë më të qetë se rivalët e tyre të Barcelonës. Pas vendimit të Kylian Mbappe për të qëndruar në Paris Saint-Germain, Los Blancos vendosën të mos investojnë në sulm, por të shpërblejnë lojtarët aktual, duke i motivuar për rritjen e nivelit.

Një pjesë e madhe e kësaj është fakti që Los Blancos po mbështeten në zhvillimin e brazilianit Rodrygo Goes. 21-vjeçari doli lojtar i madh për Real Madridin në fitoren e vitit të kaluar në Ligën e Kampionëve, duke shënuar gola të vonshëm kundër Manchester Cityt dhe Chelseat.

Pjesa më e madhe e bisedave për Real Madridin u përqendrua në aftësinë e tyre për të përballuar presionin dhe madje edhe lojtarë si Rodrygo, pavarësisht mungesës së përvojës së tij, funksionuan mirë aty ku të tjerët mund të ishin shkatërruar.

Lexo po ashtu Real Madridi po siguron të ardhmen e tyre, ekipi i mbushur me talentë të mëdhenj dhe kontrata afatgjate

Duke folur për UEFA-n në një intervistë të realizuar nga faqja zyrtare e Real Madridit, ai shpjegoi pikëpamjen e tij.

“Të luash nën presion është më argëtuese. Nuk është kënaqësi të luash pa asgjë në lojë, veçanërisht kur flasim për sporte konkurruese. Të kesh atë presion është një gjë e mirë”, ka thënë Rodrygo.

Këto fjalë ilustrojnë atmosferën e pabesueshme që Real Madridi ka krijuar në Ligën e Kampionëve e cila i lejon ata të bëjnë mrekulli si ajo në sezonin e kaluar.

Megjithatë, Rodrygo e pranoi se sa shpejt ka ardhur jeta.

“Ndonjëherë më duhet t’i them vetes: ‘Zoti im, kam fituar Ligën e Kampionëve! Është ende e vështirë të besohet se e kam fituar. Ishte gjithmonë një nga ëndrrat e mia më të mëdha: të luaja për Real Madridin dhe të fitoja Ligën e Kampionëve”.

Lexo po ashtu Thellësia e çmendur e skuadrës së Real Madridit për sezonin 2022/23 dëshmon se një epokë e re dominimi po fillon

“Unë kam arritur ta bëj tashmë në moshën 21-vjeçare. Është e vështirë të tretet fakti që ia kam dalë në të vërtetë. Unë jo vetëm që kam fituar Ligën e Kampionëve, kam fituar dy herë La Ligën dhe dy herë Superkupën e Spanjës. Nuk mendoj se mund të ishte më mirë”, përfundoi braziliani.

Sezonin e kaluar, Rodrygo shënoi 9 gola dhe 10 asistime, por do të shpresojë të bëjë hapin tjetër këtë sezon. Carlo Ancelotti e përdori atë kryesisht si zëvendësues me ndikim, por Rodrygo dëshiron të bëhet sulmuesi i tretë i ekipit, së bashku me Karim Benzema dhe Vinicius Junior. /Telegrafi/