Fjalët e para të Contes si trajner i Interit: Jam i emocionuar, e zgjodha për shkak të historisë

Antonio Conte ka folur fjalët e para si trajner i Interit menjëherë pas zyrtarizimit në stolin e Nerazzurrëve.

Interi ka zyrtarizuar në orët e para të mëngjesit emërimin e Contes si zëvendësuar të Luciano Spallettit në krye të klubit.

Emërimi si trajner i Interit e ka lumturuar shumë italianin, i cili ka thënë se është i emocionuar, ndërsa zgjedhjen e bërë për shkak të historisë së klubit.

Lexo po ashtu Zyrtare: Conte trajner i ri i Interit

“Një kapitull i ri në jetën time po fillon, jam shumë i emocionuar”, ka thënë fillimisht Conte pas marrjes së drejtimit të Interit.

“Përmes punës sime, do të përpiqem të paguaj të gjithë besimin që Presidenti dhe drejtorët kanë vendosur në mua”.

“Kam zgjedhur Interin për shkak të klubit që është, për shkak të bazës së shëndoshë të projektit dhe ambicies së tyre. Për shkak të historisë së Interit”.

“U binda nga transparenca e klubit dhe dëshira për të sjellë Interin përsëri aty ku i takon”, përfundoi trajneri italian.

49-vjeçari nga Lecce ka një karrierë të pasur si trajner duke fituar shumë në të kaluarën.

Titulli i Serie B me Barin ishte pikënisje e karrierës, tre trofe të Serie A dhe dy Kupa të Italisë me Juventusin, një Ligë Premier dhe një FA Cup me Chelsean janë trofetë e fituar nga Conte. /Telegrafi/