‘Fenomeni’ Ronaldo: Mbappe ka karakteristika të ngjashme me të miat, jam tifoz i tij

Ish-ylli i Interit dhe Real Madridit, braziliani Ronaldo ka thënë se sulmuesi i Paris Saint-Germain, Kylian Mbappe i kujton brazilianin veten e tij.

Braziliani ishte një nga super yjet në fund të viteve 90-ta dhe në fillim të viteve 2000, duke luajtur për Barcelonën, Interin dhe Real Madridin.

‘El Fenomeno’ ishte i njohur për aftësitë e tij të shkëlqyera dhe ritmin e jashtëzakonshëm, dhe dy herë fituesi i Kupës së Botës beson se Mbappe ka cilësi të ngjashme.

Ylli i ri i PSG-së ishte me ndikim kur Franca fitoi Kupën e Botës 2018 dhe u lidh me një transferim të madh në ish-klubin e Ronaldos, Real Madrid, këtë verë.

Lexo po ashtu PSG e fitoi betejën për Mbappen, por lufta me Realin vazhdon

Kur 44-vjeçari u pyet nëse ka lojtarë të ngjashëm me veten në futbollin e sotëm, dy herë fituesi i Topit të Artë tregoi gishtin nga Mbappe.

“Ai ka karakteristika të ngjashme me të miat”, ka thënë fillimisht Ronaldo.

“Ai ka cilësi të çmendura, ka një teknikë të jashtëzakonshme dhe di ta përdorë atë me ritëm të lartë”.

“Mbappe ka një avantazh ndaj mbrojtësve dhe anashkalon portierët. Ai ka aftësi vrapimi”.

“Më pëlqen Mbappe, unë bëj tifo për të”, përfundoi legjenda braziliane. /Telegrafi/