Dramë në Gjilan, por Drita dhe Llapi ndajnë pikët

Ka përfunduar ndeshja kryesore e ditës së sotme në Superligën e Kosovës, mes Dritës dhe Llapit.

U desh të kalonin plot 115 minuta që gjyqtari kryesor Vigan Iberdemaj të përfundoj takimin.

Dy skuadrat bardhekaltër kanë ndarë pikët në një ndeshje shumë interesante, e cila megjithatë përfundoi pa gola 0-0.

Pjesa e parë ishte më e qetë me disa gjysmë raste nga të dyja skuadrat, por që nuk pati gola dhe përfundoi 0-0.

E në pjesën e dytë u panë të gjitha, vetëm golat jo, në fakt edhe gola kishte, por që u anuluan.

Gjyqtari kryesor përjashtoi portierin e Llapit, Marjan Coric, por pas rishikimit në VAR e riktheu vendimin e tij dhe Coric vazhdoi ndeshjen.

Në minutat e fundit të ndeshjes, Llapi shënoi me Adem Maliqin, por pas rishikimit të golit në VAR, ai u anulua pasi Edon Sadriu kishte shkaktuar faull.

Kjo bëri që banka mysafire të protestojë ashpër, ku gjyqtari kryesor ndëshkoi me karton të kuq trajnerin Tahir Batatina dhe sekretarin Muhamet Rexhepi.

Drita kërkonte me ngulm golin, por nuk ia arriti një gjëje të tillë.

Vlen të përmendet se në minutat shtesë nga loja u përjashtua edhe kapiteni i Llapit, Bujar Idrizi pas dy kartonëve të verdhë.

/Telegrafi/