Don Arbas reagon i shqetësuar për video-lojën ‘Fortnite’ ku kërkohet të vriten njerëzit rreth Mekës: Bojkotojeni, mos i lejoni fëmijët ta luajnë

Reperi dhe producenti i njohur Don Arbas, është mjaft aktiv dhe i ndjekur në rrjetet sociale.

Ai shpesh ndan me ndjekësit fotografi dhe video të ndryshme në rrjetet sociale, gjersa nuk heziton që edhe të shprehë hapur mendimin e tij lidhur me ndonjë çështje të caktuar.

Së fundmi, Don Arbas, emri i vërtetë i të cilit është Artan Bajrami, ka publikuar në InstaStory një shqetësim të tijin lidhur me një video-lojë shumë popullore, e cila ia mundëson protagonistit që të vrasë njerëz në vendin e shenjtë, Mekën.

“Ja një nga lojërat e fëmijëve tanë, Fortnine. Që në një nga nivelet është që duhet të vrasësh njerëzit rreth e rrotull Qabes. Dhe më pas të prishësh Qaben, që të kalosh nivelin. Imagjinoni se si programojnë trurin e të vegjëlve tanë, që të vrasin myslimanët. Bojkotoni këtë lojë dhe mos lejoni fëmijët tuaj të luajnë”, ka shkruar Don Arbas në InstaStory.

Lexo po ashtu Të gjitha lajmet nga Estrada Shqiptare

Rap-artisti nga Prishtina përndryshe është i njohur si producent i shumë këngëve të artistëve të estradës, por më së shumti të motrës së tij, këngëtares Arta Bajrami.

Ndër projektet e tij më të fundit si interpretues mbetet balada “Pse mu”, të cilën ai e solli pikërisht vitin e kaluar në duet me Artën. /Telegrafi/

https://www.youtube.com/watch?v=-gpU3CABgBM&ab_channel=Arbasound