Deklaratë e fuqishme e Macronit: Kievi duhet të lejohet të neutralizojë bazat ushtarake ruse

Presidenti francez, Emmanuel Macron tha se Kievit duhet t’i lejohet të “neutralizojë” bazat ushtarake ruse nga ku trupat e Kremlinit po lëshojnë raketa drejt Ukrainës.

“Ne mendojmë se duhet t’i lejojmë ata të neutralizojnë vendet ushtarake ku lëshohen raketa, nga ku sulmohet Ukraina”, por se “ne nuk duhet t’i lejojmë ata të prekin objektiva të tjerë në Rusi dhe padyshim civilët”.

Komentet e Macronit erdhën pasi shefi i aleancës më të fuqishme ushtarake në botë, NATO-s, Jens Stoltenberg u bëri thirrje vendeve perëndimore që të lejojnë ukrainasit të bombardojë caqet ruse brenda territorit të Rusisë, raporton france24.

Lexo po ashtu Stoltenberg: Ukraina të lejohet të sulmojë me armët perëndimore brenda territorit të Rusisë

““Unë mendoj se ka ardhur koha që aleatët të mendojnë nëse duhet të heqin disa nga kufizimet që u janë vënë në përdorimin e armëve që i kanë dhuruar Ukrainës, veçanërisht tani kur luftimet po zhvillohen shumë në Kharkiv. T’ia mohosh ukrainasve mundësinë e përdorimit të këtyre armëve kundër objektivave legjitime ushtarake në territorin rus, e bën shumë të vështirë për ta që të mbrohen”, tha shefi i aleancës më të fuqishme ushtarake në botë”, tha Stoltenberg.

Ndryshe, vendet, duke përfshirë Gjermaninë, kundërshtojnë marrjen e një hapi për të cilin kanë frikë se mund t’i tërheqë më afër konfliktit të drejtpërdrejtë me Rusinë që ka armë bërthamore.

Shtetet e BE-së kanë trajnuar 50 mijë trupa ukrainase jashtë vendit të shkatërruar nga lufta, nën një mision në mbarë bllokun e ngritur në vitin 2022. /Telegrafi/

Macron explaining that Ukraine needs to be destroying all Russia's military bases within reach.

Seems that everyone but Biden now knows this.
pic.twitter.com/1X7PyUmYyO

— Jay in Kyiv (@JayinKyiv) May 28, 2024