De Gea refuzon ofertën finale të Unitedit, pas interesimit të PSG-së

David de Gea e ka refuzuar ofertën finale të Manchester Unitedit për kontratën e re. Portieri bëri të ditur se nuk do ta nënshkruajë kontratën e re deri në verën e ardhshme, duke e detyruar bordin e klubit anglez që ta shesin në këtë afat kalimtar.

Djajtë e Kuq kanë dështuar që ta bindin portierin spanjoll që ta vazhdojë kontratën, andaj Paris Saint-Germain është duke tentuar që në verë t’i marrë shërbimet e tij.

Skuadra franceze po planifikon që t’i paguajë 65 milionë euro për transferimin e spanjollit nga Djajtë e Kuq ose të presin deri në vitin e ardhshëm që ta transferojnë si të lirë.

Portieri spanjoll është zhgënjyer nga strategjia e Ole Gunna Solskjaer, andaj po e kërkon largimin nga skuadra angleze qysh në këtë afat kalimtar veror.

Manchester United i ka ofruar atij 400 mijë euro pagë në javë, mirëpo De Gea ka kërkuar hiq më pak se 500 milionë euro, duke bërë që asnjëra palë të pranojë marrëveshjen.

Lexo po ashtu Paris Saint-Germain të gatshëm që ta mbulojnë në ar De Gean

Bordi i skuadrës angleze ka kërkuar përgjigje nga portieri spanjoll rreth kontratës së re para se të përfundonte sezoni, mirëpo ai ka refuzuar marrëveshjen e fundit, duke e kërkuar largimin me ngulm. /Telegrafi/