Dalin detaje të reja për Evan N’Dickan, mësohet arsyeja pse mbrojtësi ra në tokë

Evan Ndicka ngjalli frikë kur u rrëzua në fushë në ndeshjen mes Udineses dhe Romës e vlefshme për xhiron e 32-të të Serie A.

Mbrojtësi 24-vjeçar nga Bregu i Fildishtë ra përtokë përkundër se nuk kishte kontakt me askënd në minutën e 72-të në stadiumin Bluenergy në Udine, duke shkaktuar menjëherë shqetësim pasi loja u ndal. Ai u largua me barelë nga fusha dhe u dërgua në spital, ndërsa loja u pezullua përfundimisht.

Ndicka ndodhet në gjendje të qëndrueshme në spital dhe është vizituar nga skuadra e Romës.

Lexo po ashtu Çfarë ndodhi me të vërtetë me Evan N'Dickan e Romës pasi ra pa ndjenja në fushë, dalin detaje të tjera nga rasti që tronditi Italinë 

Një foto e tij në pamje pozitive dha njëfarë sigurie, por shqetësimi është ende i lartë për 24-vjeçarin, i cili po mbahet për analiza të mëtejshme. Mbrojtësi nuk pësoi sulm në zemër, konfirmuan testet fillestare .

Faqja dy e gazetës së sotme të Gazzetta dello Sport detajon se si Ndicka mund të ketë pësuar frikën shëndetësore për shkak të një dueli në pjesën e parë të ndeshjes. Në minutën e 38- të , mbrojtësi i Romës është goditur në gjoks nga Lorenzo Lucca.

Lexo po ashtu Momente paniku dhe frike në përballjen Udinese-Roma, mbrojtësi Ndicka rrëzohet në fushë - ndeshja pezullohet

Kjo goditje mund të kishte shkaktuar një ngjeshje pulmonare, e cila nga ana e saj çoi në fibrilacione, duke e shkaktuar atë të ndjejë dhimbje gjoksi dhe kolaps më vonë në pjesën e dytë.

Në këtë fazë, është ende herët për të konfirmuar nëse është kështu apo jo, por është një nga teoritë. /Telegrafi/